بوسنیا ، ہرزیگووینا کی پریذیڈنسی ءِ چیرمین شفیق جعفر ووچ ءِ سرڈگاری اُرد ءِ سروک جنرل قمر جاوید باجوہ ءَ گوں گند ءُ نند

اسلام آباد۔5نومبر (اے پی پی):بوسنیا ، ہرزیگووینا کی پریذیڈنسی ءِ چئیرمین شفیق جعفرووچ ءِ سرڈگاری اُرد ءِ سروک جنرل قمر جاوید باجوہ ءَ گوں گند ءُ نند کت ایشی ءِ تہ ءَ وت مہ وتی واھگی کار ، دمگی سلامتی ءُ پاک بوسنیا ءُ ہرزیگووینا یکوئی کار آنی ھوالگ ءَ باست ءُ واست کنگ بوت۔ پاک اُرد ءِ شوبگ آئی ایس پی آر ءِ رد ءَ بوسنیا، ہرزیگووینا کی پریزیڈنسی ءِ چیئرمین شفیق جعفر ووچ ءَ جی ایچ کیو راولپنڈی ءِ تر ءُ تاب کت آھودا ایشاناں گارڈ آف آنر پیش کنگ بوت۔ شرپ مندیں مہمان آں شہید آناں توسیپ ءُ ستا پیش کنان ءَ پُل آنی چادر ادیرہ ءِ سر ءَ پر دات۔ سرڈگاری اُرد ءِ سروک جنرل قمر جاوید باجوہءَ گوشت کہ پاکستان بوسنیا ءُ ہرزیگووینا ءِ گوما براتی ءُ یکوئی آناں سک باز ارزشت دنت ءُ دوئیں ملک آنی مردم آنی نیام ءَ وت مہ وتی واھگ ءُ دوستی ءِ مھکمیں ریشگ پھر ایگ انت۔ گند ءُ نند ءَ دیمپانی، تکنیکی ازمکاری ءُ یکجائی منصوبگ آں ھوار جتا جتائیں شوبگ آنی دو نیمگی سیادی آنی سر ءَ ھیال ریچی کنگ بوت۔ شرپ مندیں مہمان آں پڑے ایمنی ءُ برجائی ءِ واستہ پاکستان ءِ یک شلیں کوشست آناں ساڑات۔ دوئیں براتیں ملک آں دو نیمگی یکوئی آناں گیش دیمروئی دیگ ءِ ٹوک کت۔