ہری پور۔ 05 نومبر (اے پی پی) بنجائی وزیر توانائی، پٹرولیم و قدرتی وسیلہ عمر ایوب خان نا خصوصی کوشست آن 4 کروڑ 70 لکھ روپئی نا بھلو فنڈنگ اسے آن تحصیل غازی جھامرہ روڈ انا تفنگ کن باقاعدہ وڑاٹ ٹینڈر نوٹس جاری کننگا۔ بنجائی وزیر عمرایوب خان وزیراعلیٰ پنجاب عثمان بزدار آن چورابابا آن تحصیل غازی جھامرہ روڈ انا تفنگ نا اٹک نا تعلقدار آفیسر آک C&Wآن منظوری دوئی کریر اوکان پد منہ تُو مست چورا بابا آن جھامرہ روڈ انا دورہ ءِ کرسا سروے ءِ پورو کریر۔ داوخت آ بنجائی وزیر نا کوآرڈینیٹر ساجد خان ہم ساڑی ئس۔ یات سلے کہ تحصیل غازی جھامرہ آ ہنوک آ ہندا شش کلو میٹر روڈ پنجاب نا علاقہ چورا بابا آن مرسا بریک۔ ہرادے بنجائی وزیر عمر ایوب خان 2004ء ٹی 3 کروڑ 26 لکھ روپئی نا فنڈ آن تفیسس اوکان پد بھلو وخت اسکان ہچ کس چکار کتو و وخت تدینگ انگ تون ہندا سڑک خستہ حالی نا گواچی مس یونین کونسل جھامرہ ننا چندی فائدہ ہرفوک آ خلق انا الس اسہ وار ولدا روڈ انا اول سر آن تفنگ کن بھلو فنڈ اس منظور کرفنگ آ السی سرکڑدہ عمرایوب خان ءِ زبردست لوز آتیٹی خراج تحسین پیش کرینو۔
