اسلام آباد۔ 05 نومبر (اے پی پی) وزیراعظم نا خصوصی کمکار جان جوڑی ڈاکٹر فیصل سلطان پارینے کہ کورونا دین انا ارٹ میکو لہر ملک ءِ زہمی کرینے۔ پنچ شنبے نادے آ نجی ٹی وی چینل تون گپ وتران کرسا اوپارے کہ داٹی ہچ ءُ شک اس اف کہ کورونا دین انا ارٹ میکو لہر ملک ءِ زہمی کرینے۔ اوپارے کہ تدوک آ اِراہفتہ ٹی کورونا دین انا پوسکن آ کیس آتیٹی پدریسہ ودکی مننگ ءِ۔ ڈاکٹر فیصل سلطان پارے کہ کورونا دین انا ارٹ میکو لہر اٹی مخلوق ءِ مرے کہ کورونا دین انا تالانیءِ توننگ کن رکھی گام گیج آتیا عمل کیر و موسم یخ مننگ نا سوب آن مخلوق اٹی کورونا دین آن پورو رکھ مننگ نا تصور غلط ءِ۔ اوپارے کہ تعلیمی ادارہ غاتیٹی کورونا دین انا برخلاف حکومتی گام گیج آتا نافذ السی ہند، کاروباری ہند و شادی ہال تیان جوان ءِ۔ ڈاکٹر فیصل سلطان انفیکشن کیس آتا کچ اٹی ودکی ءِ ہم آب اٹ آپریٹنگ وڑوڈول(ایس او پی) تا خلاف ورزی نا بھرم گوندا۔
