اسلام آباد۔ 05 نومبر (اے پی پی) وزیراعظم نا سلاہکار واپار عبدالرزاق داؤد سیمنٹ نا برآمدات و بہا کننگ اٹ ودکی نا بابت پارینے کہ اکتوبر 2020ء ٹی سیمنٹ نا داتم اسکان غٹ آن زیات 5.735ملین ٹن بہا ریکارڈ کننگانے۔ پنچ شنبے نادے آ تینا اسہ ٹویٹ اسے ٹی او پارے کہ تدوک آ سال انا مقابلہ ٹی ہندی بہا کننگ اٹ 15.83درسد ودکی مسنے ہرا است بڈی اسے۔ سلاہکار واپار پارے کہ اکتوبر اٹی سیمنٹ نا برآمد اٹی ہم 19 درسد ودکی مسنے۔ اوپارے کہ تدوک آ سال انا مقابلہ ٹی سیمنٹ نا برآمد آک 32.86 ملین ڈالر اسکان ودار۔ْ تدوک آ سال سیمنٹ نا برآمد آک 27.62 ملین ڈالر ئسر۔ سلاہکار واپار پارے کہ جولائی آن اکتوبر سیمنٹ نا برآمدآتیٹی 10.8 درسد ودکی مس و برآمد آتا کچ 105.18 ملین ڈالر اسکان ودا وخت اس کہ تدوک آ سال سیمنٹ نا برآمد آک 94.97 ملین ڈالر ئسرہ۔
