راولپنڈی۔4نومبر (اے پی پی): سرڈگاری اُرد ءِ سروک جنرل قمر جاوید باجوہ ءَ گوشت کہ پاک اُرد لائن آف کنٹرول ءِ ھواری ءَ شہری آباتی آنی رکھینگ ءَ دل یکیمی جوڑ کنت۔ آ کور ھیڈ کوارٹرز راولپنڈی ءِ تر ءُ تاب ءِ موہ ءَ ھیال آنی درشانی ءَ کنگ ءَ انت۔ پاک اُرد ءِ شوبگ آئی ایس پی آر ءِ رد ءَ کور ھیڈ کوارٹر راولپنڈی ءِ تر ءُ تاب ءِ موہ ءَ سر ڈگاری اپرد ءِ سروک ءَ استیں جاور ھال ءُ آپریشنل تیاری آنی ھوالگ ءَ بریفنگ دیگ بوت۔ سرڈگاری اُرد ءِ سروک جنرل قمر جاوید باجوہ ءَ کشمیری آباتی آنی دلبڈی ءُ جزم ءَ را ساڑات ھما کہ لائن آف کنٹرول ءِ سر ئَ بھارتی اُرد ءِ زوراکی ءُ تیر گواری آنی آماچ بوھگ ءَ انت۔ سرڈگاری اُرد ءِ سروک ءَ را رولپنڈی کنٹونمنٹ ءَ جاڑیگیں دیمروئی کار آنی جاڑی بوھگ ءِ بابت ءَ سرپد کنگ بوت۔ آئی ءَ اے دل یکیمی ءِ درشان کت ءُ اے رد ءَ سول انتظامیہ ءِ توسیپ کت۔
