اسلام آباد۔4نومبر (اے پی پی): مزن وزیر ءِ ھاسیں کمکار برائے ڈاکٹر ثانیہ نشتر ءَ چار شمبے ءَ نیشنل یونیورسٹی آف ٹیکنالوجی ءِ رھدربر ءُ انڈر گریجویٹ نودربر آنی ھمبراھی ءَ پالیشی شور ءُ سلاھ ءِ واستہ نیشنل یونیورسٹی آف ٹیکنالوجی ءِ تر ءُ تاب کت۔ گوستگیں سال نیشنل یونیورسٹی آف ٹیکنالوجی ءِ نودربر آناں انڈر گریجویٹ اسکالر شپ ءِ داد دیگ بوتگ۔ اے موہ ءِ سر ءَ ڈاکٹر نشتر ءَ یونیورسٹی ءِ نودربر آں گوں گپ ءُ تران کت تانکہ آوانی وانگ ءُ زانگ ءُ واھشت ءُ ایشانی استیں جیڈھ آنی بابت ءَ سرپدی بہ رس ایت۔ اے موہ ءِ سر ءَ مشیر ہومن ریسورس ڈویژن ہائیر ایجوکیشن کمیشن ڈاکٹر حسن جلیل شاہ، پروجیکٹ ڈائریکٹر احساس انڈرگریجویٹ اسکالرشپ ایچ ای سی رائو محمد اظہر ءُ یونیورسٹی ءِ ریکٹر اے موہ ءِ سر ءَ ساڑی ات۔ ھواریں رنگ ءَ ، نیشنل یونیورسٹی آف ٹیکنالوجی ءِ 49 نودربر آناں سال 2019-20 ءَ احساس اسکالرشپ ءِ داد دیگ بوتگ۔ ڈاکٹر نشتر ءَ گوشت کہ احساس انڈر گریجویٹ اسکالرشپ پروگرام ءَ را گیش گہتر جوڑ کنگ ءِ واستہ نودربر سک باز ارزشتی انت۔
