اسلام آباد۔4نومبر (اے پی پی): وانگ ءُ زانگ ءِ بنجاہی وزیر شفقت محمود ءَ علامہ اقبال اوپن یونیورسٹی ءِوانگ ءُ زانگی ازمت ءَ را ساڑاتگ ءُ گشتگ کہ اے پہ دومی وانگ ءُ زانگی ادارگانی ھاترءَیک رول ماڈل اِت۔ علامہ اقبال اوپن یونیورسٹی ءَ چارشمبےءِ روچءَ سائنس بلاک ءِ بُنگیج ءِ موہ ءَ میڈیا نمائدگاں گوں گپءُتران کتگءُ آئی ءَ گشتگ کہ علامہ اقبال اوپن یونیورسٹی وانگ ءُ زانگ ءَ پڑءَ بازیں ازمت دیئگ ءَ اِنت۔ آئی ءَ اے موہ ءَ ا وپن یونیورسٹی ءِ وائس چانسلر پروفیسر ڈاکٹر ضیاء القیوم ءَ را داد ءُ سلام پیش کتگ ءُ گشتگ کہ وہدے پروفیسر ڈاکٹر ضیاء القیوم ءَ یونیورسٹی ءِ چارج سمبال اِتگ یونیورسٹی انفارمیشن ٹیکنالوجی ءِ ہوالگ ءَ جدیدیت ءِ نیمگ ءَ رہادگ انت۔ بنجاہی وزیر ءَ درائیں وانگءُزانگی ادارگانی سرءَزور پِر داتگ کہ آ جدید ٹیکنالوجی ءِ کارمرزی ءَ بہ کن اَنت ءُ ریسرچ کلچر ءَ را دیمروئی بہ دنت۔ بنجاہی وزیر ءَ کوویڈ۔19 ءِ ہوپ ءِہوالگ ءَ گپ ء ُ تران کتگء ُ گشتگ کہ حکومت ہوپ ءِ دومی بھر ءِ چارءُ تپاسی ءَ کنگ ءَ اِنتءُ تاں انگت وانگ ءُزانگی ادارگاں بند کنگ ءِ فیصلہ کنگ نابوتگ بلے آئی ءَ گشتگ کہ حکومت ءِ ھاترءَ زھگانی جانءُ سلامتی ءُ زند گیش دوست اَنت۔ ایشی ءَ پد یونیورسٹی ءِ راھ دربر ءُ سینئر افسر آں گوں تران کتگءُ بنجاہی وزیر ءَ گشتگ ک اے ملک ءَ کم ءُ گیش 216 یونیورسٹی کار کنگ ءَ اَنت ، آئی ءَ اُمیت ءِ درشانی کتگ ءُ گشت کہ مزنیں وانگ ءُ زانگ ءِ اے ادارگ ملک ءِ بازیں جیڑہ ءُ جنجالانی سرءَ پٹءُ پول کنگ ءُ آیانی گیش ءُ گیواری ءَ کمک کنگ ءَ اَنت۔ اے موہ ءَ اوپن یونیورسٹی ءِ وائس چانسلر ءَ بنجاہی وزیر ءَ را یونیورسٹی ءِہوالگ ءَ شونست داتگءُ گشتگ کہ اے وہدءَ کم ءُ گیش 14 لکھ نودبر اوپن یونیورسٹی ءَ چہ تعلیم حاصل کنگ ءَ اَنت آئی ءَ گیش گشتگ کہ ملک ءِ دراہیں یونیورسٹی آں مزنیں وانگ ءُ زانگ ءِ نودربر ءِ کساس کم ءُگیش 19 لکھ اِنت کہ ایشانی تہ ءَ شش لکھ نودربر اوپن یونیورسٹیءِ بازیں پڑاں بیچلرز، ماسٹرز، ایم فل ءُ پی ایچ ڈی پروگراماں داخل اَنت۔
