اسلام آباد۔4نومبر (اے پی پی): ملک مستر ڈاکٹر عارف علوی ءَ ملک ءَ ای لرننگ ءِ دلبڈی ءُ دیمروئی ءِ ھاترءَ زوت فاصلاتی تعلیم ءِ پالیسی جوڑ کنگ ءِ پنت ءُشون کتگ ءُگشتگ کہ ای لرننگ ءَچہ چاگرد ءِنیزورویں تبک حاس کوچگی دمگانی نودربراں پائدگ رسیت۔ آ چارشمبے ءِ روچءَ ورچوئل یونیورسٹی ءِ بورڈ آف گورنر ز ءِ دیوان ءَ گوں تران کنگ ءَ بوتگ۔ دیوان ءَ انفارمیشن ءُ ٹیکنالوجی اینڈ ٹیلی مواصلات ءِ وزیر سید امین الحق، سیکرٹری آئی ٹی اینڈ ٹی سیکرٹری تعلیم بورڈ آف گورنرز ءِ باسک ءُ انفارمیشن ٹیکنالوجی ءِ وزارت ءِ سینئر عہدگ دار ہوار بوتگ اَنت۔ ایوان صدر ءِ میڈیا ونگ ءِ ردءَ ملک مستر ءَ بورڈ آف گورنرز ءِ نوک گچین بوتگیں باسکاں مراد بات پیش کتگ۔ ملک مستر ءَ گشتگ کہ ہائرایجوکیشن کمیشن ملک ءَ ای لرننگ ءِ دلبڈی ءُ دیمروئی دیئگ ء ِ ھاترءَزوت فاصلاتی تعلیم ءِپالیسی جوڑ بہ کنت، ای لرننگ ءَ چہ چاگرد ءِ نیزورویں تبک حاس کوچگی دمگانی نودربراں پائدگ رسیت۔ آئی ءَ گشتگ کہ ورچوئل یونیورسٹی وتی ازمتاں کوچگی دمگاں سرکُت کنت، اُمیت اِنت کہ نوک گچین بوتگیں باسک گُڈ گورننس ءُ تعلیم ءِ معیار ءَ را گہتر کنگ ءَ وتی کردءَ پیلو کنت۔
