بوسنیا، ہرزیگووینا نا پریذیڈنسی نا چیئرمین شفیق جعفر ووچ و وزیر اعظم عمران خان نا نیام اٹ اوڑدہی، ڈل انا کہول آ مذاکرات مریک

اسلام آباد۔ 04 نومبر (اے پی پی) بوسنیا، ہرزیگووینا نا پریذیڈنسی نا چیئرمین شفیق جعفر ووچ و وزیراعظم عمران خان نا نیام اٹ ون آن ون اوڑدہی آن بیدس ڈل انا کہول آ مذاکرات مریک۔ ہڑتوم آ راہشونک ہڑتوم آ ملک آتا نیام اٹ مفاہمت نا یات داشت آتیا دستخط آتا دود اٹی ہم بشخ ہلیرہ۔ چارشنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم عمران خان اسلام آباد اٹی بوسنیا، ہرزیگووینا نا پریذیڈنسی نا چیئرمین شفیق جعفر ووچ ءِ بخیر کیک۔ داوخت آ شرفمند آ مہمان ءِ گارڈ آف آنر پیش کننگک۔ شفیق جعفر ووچ وزیراعظم تون ون آن ون اوڑدہی کیک و داکان بیدس ڈل انا کہول آ ہم گپ و تران مریک۔ ہڑتوم آ راہشونک مفاہمت نا یات داشت آتیا دستخط آتا دود اٹی ہم ساڑی مریرہ و تینا خیال آتا درشانی ءِ کیرہ۔ وزیراعظم عمران خان بوسنیا، ہرزیگووینا نا پریذیڈنسی نا چیئرمین شفیق جعفر ووچ و اونا ڈل انا شرف اٹی دے انا سوارہ اس ہم ایتک۔