بوسنیا، ہرزیگووینا نا پریذیڈنسی نا چیئرمین شفیق جعفر ووچ ا نا وزیراعظم ہاؤس آ بننگ آ پروقار بیابخیری دود اس اڈتننگا

اسلام آباد۔ 04 نومبر (اے پی پی) بوسنیا، ہرزیگووینا نا پریذیڈنسی نا چیئرمین شفیق جعفر ووچ انا وزیر اعظم ہاؤس آ بننگ آ پروقار بیابخیری دود اس اڈتننگا۔ داوخت آ وزیر اعظم عمران خان شرفمند آ مہمان ءِ بخیر کرے۔ شرفمند آ مہمان نا بننگ آ سلہہ بند فوج انا چاق و چوبند دستہ گارڈ آف آنر پیش کرے۔ ہڑتوم آ ملک آتا قومی ترانہ ءِ خلنگا۔ شرفمندآ مہمان گارڈ آف آنر نا معائنہ ءِ کرے۔ وزیراعظم عمران خان شرفمند آ مہمان تون تینا کابینہ نا باسک آتا درستی راستی ءِ کرفے وخت اس کہ بوسنیا، ہرزیگووینا نا پریذیڈنسی نا چیئرمین شفیق جعفر ووچ وزیراعظم عمران خان تون تینا ڈل انا باسک آتا درستی راستی ءِ کرفے۔