اسلام آباد۔ 04 نومبر (اے پی پی) وزیراعظم نا خصوصی کمکار قومی جان جوڑی ڈاکٹر فیصل سلطان پارینے کہ کورونا دین انا رداٹ تعلیمی ادارہ غاتے بند کننگ نا داسکان ہچ ءُ پلان اس اف، طالب علم آتیکن ڈینٹسٹری اسکول نا بناءِ کننگانے ہراٹی زبردست آسراتی تخنگانے۔ چارشنبے نادے آ ڈینٹسٹری اسکول نا بناءِ کننگ آن پد میڈیا تون گپ وتران کرسا او پارے کہ ہندا اسکول اٹی پوسکن و آب اٹ آسراتی ارے۔ ای تینا مچ آ زند اٹی داوڑنا پاکستان اٹی پوسکن ءُ ہسپتال اس وخت اس ہم خنتنوٹ۔ اوپارے کہ نن کورونا دیین انا ہڑدے ئی حساب وکتاب نا ہڑدے ئی بنداو آ جاچ ءِ ہلنگ اُن۔ تعلیمی ادارہ غاتے بند کننگ نا داسکان ہچ ءُ پلان اس اف۔ اوپارے کہ ننے ساڑی حالیت آتیٹی زیات احتیاط کروئی مریک۔ اگہ احتیاط کننگتو تو نن تینے مشکل اٹ شاغنہ۔ ہسپتال آتیٹی دین اٹی میڈیکل سرجز آتے بند کننگپک۔ دین اٹی ہم مخلوق ناجوڑ مرسا کیک، ننے اوفتے ہم ہروئی ءِ۔
