اسلام آباد۔3نومبر (اے پی پی):پاکستان ءَ گلگت بلتستان (بی بی) ءِ ھوالگ ءَ بھارتی وزیر ءِ دیمپانی راجناتھ ءِ نہ وشیں بیان ءَ را رد کتگ ءُ ایشرا سرجمیں رنگ ءَ ٹوک نامینتگ آئی ءَ گوشتگ کہ بھارت ءِ کرا وتی بٹاکیں گپ آنی راست کنگ ءَ اچ رنگیں راجدپتر نیست، کانودی، یا اخلاقی اچ موہ نیست انت۔ سئے شمبے ءَ ترجمان درئی کارانی کارگس ءَ گوشت کہ آر ایس ایس۔ بی جے پی سروک آں سیاسی اسکورنگ ءِ واستہ دروگیں ٹوک کتگ۔ جموں کشمیر ءِ جیڈھ آنی ھوالگ ءَ پاکستان ءِ راستیں بن گپ یونائیٹڈ نیشن ءِ سلامتی کونسل ءِ استیں منوگری آنی بنیات ءَ برجا انت۔ ترجمان ءَ گوشت کہ گلگت بلتستان ءِ الس انتظامی ، سیاسی ءُ معاشی گہتری ءِ باز دیراں چہ لوٹوک انت۔ ادارُکی گہتری گلگت بلتستان ءِ ھندی آباتی آنی واھشت آنی درشان ءَ کنت۔ پاکستان ءَ بھارت ءَ چہ لوٹ کتگ کہ آ جموں کشمیر ءِ بھر آنی تہ ءَ وتی گیر کانودی ءُ زبردستی کبزہ کنگ ءُ ھوار جنگ ءَ ھلاس بکنت ءُ یونائیٹڈ نیشن ءِ سلامتی کونسل ءِ سیادی داروکیں منوگری آنی چیر دستی ءَ آزاتی ءَ گوں ءُ رائے شماری ءِ وسیلگ ءَ کشمیری آناں وت واجئی ھک ءِ کامرد کنگ ءِ موہ ءَ دیان ءَ وتی میاں اوستمانی زمہ واری آں پیلو بکنت۔
