اسلام آباد۔3نومبر (اے پی پی): بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ ریاست پاکستان ءُ ملکی دیمپانی ءِ ھلاپ ءَ دژمن آنی ایجنڈا آنی سر ءَ تیار کتگیں بیان اچ رنگ ءَ قبول کنگ نہ بنت، نواز شریف ءُ آئی ءِ ھاندا جہموریت ناں بلکینگ ءَ بادشاھی ءِ سر ءَ دل یکیمی دار ایت، کانود ءِ لوٹ کتگیں اشتہاری لندن ءَ ماڑی آنی تہ ءَ نندگ ءُ آشوبی تران ءِ مٹ ءَ الس ءِ اندر ءَ بئیت، اپوزیشن ءِ پریس کانفرنس ءَ گوشگ بیت کہ نواز شریف ءُ شہباز شریف ءِ ھلاپ ءَ کرپشن، منی لانڈرنگ ءِ کیس واپس زوگ بہ بنت، ھر کس ءَ کرپشن ۔ منی لانڈرنگ کتگ یا راجی ھزانگ ءَ را بے دردی ءَ لُٹ اتگ، ایشاناں ھساب دیگ لوٹ ایت۔ صنعت آناں رستیں گران بھائےیں توان ءِ تہ ءِ کمی کنگ بوتگ، کسانیں ءُ درنیامی درجگ ءِ صنعت ءَ ھوار ایندگر گیشیں توان ءِ سر ءَ 25 درسد رعایت رسیت۔ صنعت آنی واستہ ”پیک آورز“ ءُ ”آف پیک آورز“ آناں یکجا کنگ بوتگ، صنعت آناں سستا توان ءِ پجاری ءَ چہ ملکی سامان آنی پیداوار ءِ تہءَ گیشی بیت۔ آ سئے شمبے ءِ روچ ءَ پی آئی ڈی ءَ پریس کانفرنس ءَ گوں گشتانک دیان ات۔ بنجاھی وزیر سینیٹر شبلی فراز ءَ گوشت کہ ملکی معیشت برجا بوتگ، ملک ءَ سیمنٹ ءِ بھا زوری ءِ تہءَ گیشی ریکاٹ کنگ بوتگ، جوڑیشت ءِ شوبگ ءِ استیں چست ءُ ایر آناں دیمروئی رسگ ءَ انت، برآمدی پڑ ءَ جوانیں گیشی ءُ ٹیکسٹائل سیکٹر ءَ گہتری اتکگ۔ آئیءَ گوشت کہ گوستگیں منوگری ءِ سبب ءَ گران قیمتی توان جوڑ کنگ بوھگ ءَ انت، صنعت آناں رستگیں گیش قیمتی توان آنی تہ ءَ کمی بوتگ۔ صنعت آناں سستائیں توان ءِ پجاری ءَ چہ ملکی سامان آنی جوڑیشت ءِ تہ ءَ گیشی بیت، صنعت آنی آسراتی دیگ ءَ چہ روزگار ءِ موہ آنی تہ ءَ گیشی بیت، کارخانہ آنی تہ ءَ نوں سیمی شفٹ کار کت کناں۔ آئیءَ گوشت کہ اپوزیشن ءَ گوستگیں دور ءُ باریگ ءَ ھمک ادارگ ءَ را ڈکالی ءِ آماچ کتگ، آوانی کار میرٹ ءِ سر ءَ کم بوتگ بلے وھد ءِ اے اپوزیشن ءَ اتکگ انت گڈا الیکشن ءِ گپ ءَ جناں، شاہد خاقان عباسی گوشگ ءَ ات کہ الیکشن ءَ دھاندلی بوتگ بلے آئی ءَ وتی کوچگ ءِ تہ ءَ ھار وارتگ۔ ھمے ھال مولانا فضل الرحمن ایگ انت، مولانا ءِ زھگ وھد ءِ الیکشن ءَ باج بارت گڈا شر انت، ءُ مولانا صاحب ھار وارت گڈا شر نہ انت۔ رانا ثناء اللہ تو بگش وھد ءِ ماڈل ٹائون وئیل بوت تو آ وھد ءَ یک ارزشتی ایں وزیر ءِ بوتگ ات، اچ حکومت اے رنگیں ظلم کت نہ کنت، اے گوستگیں وھد ءِ سیاھیں روچ انت۔ آئی ءَ گوشت کہ ملکی معیشست ءِ برجائی بوتگ، ملک ءِ اندر ءَ سیمینٹ ءِ بھا زوری گیش ود اتگ، گوستگیں زمانگ ءِ ھرابیں پروجیکٹ آنی سبب ءَ گران بھائی ءَ توان پجاری کنگ بوھگ ءَ انت، اپوزیشن ءِ بیان ءُ تران آںی تہ ءَ آیوکیں باندات ءِ تہ ءَ اچ رنگیں دیمروئی گامگیج نیست، وزیر ءِ اھوالکاری ءُ شنگ کاری سینیٹر شبلی فراز ءِ پریس انفارمیشن ڈیپارمینٹ ءَ پریس بریفنگ ءِ ساھت ءَ اھوالکاراں گوں تران۔ صنعت آنی دیمروئی ءَ چہ زر امبار آنی تہ ءَ گیشی بیت۔ اپوزیشن ملکی جاور آنی تہ ءَ نہ وشیں جاور پیداک کنگ لوٹ ایت، سیم سر آنی دیمپانیں پاکستان اُرد ءِ ھلاپ ءَ ھمروچ پندل ساچگ ءَ انت، درئی دژمن آنی رنگ ءَ ملک ءِ اندر ءَ اپوزیشن اے سلیں پندل آں ساچگ ءَ انت، دروگ ءُ بھتام بندگ بوھگ ءَ انت۔ ریاست ءِ پاکستان ءِ ھلاپ ءَ اچ رنگیں پندل سگ ءُ اوپار کنگ نہ بیت۔ آئی ءَ گوشت کہ برآمدی پڑے تہ ءَ گیشیں جوانیں ھبر ات، جوڑیشت ءِ پڑ ھم ھمے رنگ ءَ دیمروئی کنگ ءَ انت۔ اپوزیشن ءَ را اے توامیں دیمروئی ھضم نہ بوھگ ءَ انت۔ ن لیگ لوٹ ایت کہ نواز شریف ءِ ھلاپ ءَ توامیں کرپشن ءِ کیس بند کنگ بہ بنت۔ پمشکہ دُمبل ایش بُن انت اینگر ءُ آنگر سر جنان انت وتی سلیں زبان ءَ چہ پاکیں وطن ءِ اُرد ءِ نام ءَ بھتام بندگ ءَ اچ چک ءُ پد نہ بوھگ ءَ انت۔ گوستگیں سروک آں دُزئی ءُ ڈنگی ءَ را انچو دیمروئی داتگ کہ مرچی ھمک ادارگ ءِ تہ ءَ جاھے نہ جاھے ڈنگ ءُ دز مارا دست کپ ایت۔ اے توامیں ڈنگ آں ملک ءَ را لُٹ اتگ مرچی آ لوٹاں کہ آواناں یلو کنگ ءُ ایمنی ءَ گوں وتی ماڑی آنی تہ ءَ نندگ ءِ موہ دیگ بہ بیت۔ بلے چوش اچبر نہ بیت۔ کانود درستانی واستہ ھمکچ ءُ بروبر انت۔ یک جستے ءِ پسو ءَ آئی ءَ گوشت کہ چوش بوت نہ کنت صمُ بُکم عمُی فھم لایر جعون ما بہ باں ءُ شاھوکاریں دزئی ملک ءَ را گیش تاوان بدینت۔ آئی ء۔ گوشت کہ سندھ حکومت ءِ وھد ءُ موہ ءِ سر ءَ گامگیج نہ کنگ ءِ سبب ءَ گندم ءِ ڈکالی بوتگ، پیپلز پارٹی نوں یک کوچگے ءِ پارٹی ءِ جوڑ بوتگ، سندھ ءَ کرپشن ءِ بازار گرم انت، سندھ حکومت یک شلی ءَ گندم ءِ ساز ءُ سامان آنی تہ ءَ کمیگ ءُ ڈکالی پیداک کنگ ءَ انت، وھد ءُ موہ ءِ سر ءَ گندم ءِ جاڑی نہ کنگ ءِ سبب ءَ سندھ ءِ الس گران نیاد آنی سر ءَ آرت گرگ ءَ انت۔ آئیء۔ گوشت کہ حکومت ءَ راق ملک ءِ اندر ءَ گران بھائی ءُ ڈکالی آنی بابت ءَ شر سرپد انت، گر ءُ دار کنگ ءِ واستہ توادمیں آسراتی کارمرد کنگ ءَ آں۔ یک جستے ءِ پسو ء۔ آئی ءَ گوشت کہ مزن وزیر عمران خان کوشست ءُ جہد کنگ ءَ انت کہ آرت ءُ شکر ءِ نیاد آنی تہ ءَ لکی ءِ واستہ گامگیج چست کنگ ءَ انت، زوت مزنیں پرک ءِ گندگ بیت۔
