اسلام آباد۔3نومبر (اے پی پی) مزن وزیر عمران خان ءَ صنعت آنی ھاترءَ مزنیں ریلیف پیکیج ءِ ردءَ آیاں ارزان نیادیں بجلی دیئگ ءِ جار جتگ ءُ گشتگ کہ یکم نومبر ءَ چہ کسانیںءُ درنیام درجگ ءِ صنعت آناں گیشیں بجلی ءِ سرءَ 50 درسد ءُ مزنیں صنعت آں 25 درسدرعایت رسیت، گوست ءَ گران نیادیں بجلی جوڑ کنگ ءِ منءُ گر کنگ بوتگ کہ آئی ءِ ردءَ صنعت آں گران نیادیں بجلی سرکنگ بوتگ، اے پیکیج ءِ ردءَ ملک ءَ صنعت دیمروئی کناں، روزگارءِ موہ ودی بنت ءُ معیشت دیمروئی کنت، ملک ءَ کورونا وائرس ءِ ہوپ گیش بوہگ ءَ اِنت، شہری اُلسی ہند ءُ جاہ آں ماسک کارمرز بکن اَنت، کورونا وائرس ءِ ہوپ ءِ دومی بھر ءَ بیپار ءُ صنعت بند کنگ نابنت۔ اے گپ آئی ءَ صنعت آنی مزنیں ریلیف پیکیج ءِ جار جتگ ءُ گشتگ۔ مزن وزیر عمران خان ءَ گشتگ کہ صنعت آنی ھاترءَ پیکیج ءِ جار ءَ جنگ ءَ اَنت کہ اے پہ صنعت کارآنی ھاترءَ یک مزنیں وشیں حال اِت۔ آئی ءَ گشتگ کہ پاکستان ءَ بھارت ءُ بنگلہ دیش ءِ مقابلہ ءَ 25 درسد گرانیں بجلی سرکنگ بیت کہ ایشی ءِ سبب ءَ ما برآمدات ءِ پڑءَ وتی ہمساہگیں ملک آنی مقابلہ ءَ کُت ناکناں۔ گوست ءَ بجلی جوڑ کنگ ءِ ھاترءَ گرانیں من ءُ گر کنگ بوتگ کہ آئی ءِ سبب ءَ بجلی گران بوتگ۔ آئی ءَگشتگ کہ گرانیں بجلی ءِ سبب ءَ چہ مے صنعت جیڑہ ءُجنجالانی آماچ اَنت، ملکی برآمدات ءَ گرانیں بجلی ءِ سبب ءَ کمی بوتگ ءُ اے 25 ارب ڈالر ءَ چہ 20 ڈالر ءَ سربوتگ اَنت۔ آئی ءَگشتگ کہ اے پیکیج ءِ ردءَ یکم نومبرءَ چہ کسانیں ءُ درنیامک ءِ درجگ ءِ صنعت آں سربوہوکیں گیشیں بجلی ءِ سرءَ 50 درسد وہدے کہ مزیں صنعت آنی ھاترءَ گیشیں بجلی ءِ سرءَ 25 درسد فیصد رعایت بیت۔ آئی ءَ گشتگ کہ روزگار دیئگ حکومت ءِ زمہ واری اِنت، روزگار رسگ ءَ چہ نیزگاری کم بیت۔ آئی ءَگشتگ کہ کورونا وائرس ءِ ہوپ ءَ چہ درساں چہ گیش ہوٹل، شادی لوگ ءُ سیئل ءُ سواد ءِ پڑ آں نقصان رسیتگ۔ آئی ءَ گشتگ کہ ملک ءَ صنعت آں دیمروئی بہ رسیت چیا کہ اے پڑءَ چہ دولت پیداک بیت، وام موکگ بنت۔ آئی ءَ گشتگ کہ کورونا وائرس ءِ ہوپ ءَ پد ملکی برآمدات ءَ گیشی وشیں گپ اِت ، کورونا وائرس ءِ ہوپ ءَچہ میاں اوستمانی تک ءَ معیشت تباہ بوتگ اَنت، کورونا وائرس ءِ ہوپ ءِ سبب ءَ سرجمیں دنیا گرانیں ساہتے ءَ گوازگ ءَ اِنت، دنیا ءَ کورونا وائرس ءِ ہوپ ءِ دومی بھر بندات بوتگ، پاکستان ءَ کیس گیش بوہگ ءَ اَنت، گوں اُلس ءَ دزبندی اِنت کہ اُلسی ہند ءُ جاہ آں ماسک کارمرز بہ کن اَنت۔ مزن وزیر ءَ پہ صنعت آنی ھاترءَ جوانیں پیکیج جوڑ کنگ ءَ وتی معاشی ٹیم ءَ را مراد بات داتگ۔ اے موہ ءَ بنجاہی وزیر اسد عمر، حماد اظہر ، عمر ایوب ءُ حزانگ ءِ صلہ کار عبدالحفیظ شیخ ءَ ہم ھیال ءُ لیکہ ءِ درشانی کتگ۔
