اسلام آباد۔3نومبر (اے پی پی):ملک مستر ڈاکٹر عارف علوی ءَ گوں چین ، اوگانستان ، انڈونیشیا ءِ سفیر ءُ بنگلہ دیش ءُ مالدیپ ءِ ہائی کمشنرز آں سفارتی سند پیش کتگ۔ اے شمبے ءِ روچءَ ایوان صدر ءِ میڈیا ونگ ءَ چہ جاری بیان ءِ ردءَ ملک مستر کءَ نوکیں جوڑ بوتگیں سفیر/ہائی کمشنرز ءَ گوں گندءُنندکتگ ءُ آیاں مرادبات پیش کتگ۔ ملک مستر ءَ گندءُنندکنوکاں اُلسی جمہوریہ چین ءِ نامینتگیں سفیر نانگ رانگ، اوگانستان ءِ نامینتگیں سفیر نجیب اللہ علی خیلی ، انڈونیشیا ءِ نامینتگیں سفیر ایڈم ملاورمان توگیو، بنگلہ دیش ءِ نامینگیں ہائی کمشنر راہول عالم صدیق ءُ مالدیپ ءِ نامینتگیں کمشنر فرزانہ ظاہر ہوار بوتگ اَنت۔ اے موہ ءَ گپ ءُتران کتگءُ ملک مستر ڈاکٹر عارف علوی ءَ گشتگ کہ پاکستان دود ءُ ربیدگ، معیشت ، بیپاری ءُ زرکایر ءِ پڑءَ دوستیں ملک آنی گوں سیادی ءَ را گیش محکم کنگ لوٹ ایت ۔ ملک مستر ءَ سفیر آناں کوویڈ 19 ءَ را چہ شنگ بوہگ ءَدارگ ءِ ھاترءَ پاکستان ءِ نیمگ ءَ چہ چست کتگیں گامگیجاں چہ سرپد کتگ۔ آئی ءَ گشتگ کہ کوویڈ۔19 پہ انسانیت ءِ ھاترءَیک مزنیں جیڑہ اِت ءُ ایشی ءَ را گرءُدار کنگ ءِ ھاترءَ یکجائی کوشست کنگ میاں اوستمانی براتی ءِزمہ واری اِنت۔ ملک مسترءَ بھارت ءِ غیر قانودی مقبوضہ جموں و کشمیر ءِسرءَ قبضہ ءُ بھارتی اُردانی نیمگ ءَ چہ زُلم ءُ ناحقیانی سرءَ چمشانگ داتگ ءُ گشتگ کہ ہندوستان ءَ سرجمیں مقبوضہ جموں ءُ کشمیر ءَ را مزنیں اوپن ایئر بندی جاہ جوڑ کتگ۔آئی ءَگشتگ کہ میاں اوستمانی براتی ہندوستانی سیکیورٹی فورس آنی نیمگ ءَہ مسلمان ءُ ایندگہ اقلیتی آنی سرءَ زُلم ءُناحقی ءِ سرءَ وتی توار ءَچست بہ کنت ۔
