اسلام آباد۔3نومبر (اے پی پی): ،مزن گسی کشمیر کمیٹی ءِ چیئرمین شہر یار آفریدی ءَگشتگ کہ پاکستان ءُ پاکستانیت ءِبُن اِشت لا الہ الا اللہ اِنت، ہندوستان ءَ مردماناں مذہب ءِردءَ زند گوازینگ ءِ اجازت نیست، ہندوستان ءِبربادی ءِھاترءَ وت مودی بس اِنت، گلگت بلتستان ءَ را صوبائی درجگ اقوام متحدہ ءِ کشمیر ءِ سرءَ تپاک نامہ آنی ردءَ دیئگ بوہگ ءَ اِنت، مرچی ففتھ جنریشن وار فیئر ءِ دور اِنت، ورناہ اے چیز ءَچہ سرپد بہ بنت، دژمنانی پندلاں باور مکن اَنت۔ اے ھیالانی درشانی آئی ءَ آزاد کشمیر ءِ ترءُ تا ب ءِ موہ ءَ “پاکستانیت” ءِسرحال ءِ سرءَ ہڈکتگیں مراگش ءَگوں تران کنان ءَ کتگ۔ شہریار آفریدی ءَ گشتگ کہ مرچی ما کشمیرءِ سرءَ دنیاءِ بیان ءَ را مٹ ءُ بدل بوہگ ءُگندگ ءَ اَنت، قائد اعظم ءَ کانگریس یل دیئگ ءِ فیصلہ پہ ہمے ھاترءَ کتگ بوتگ کہ آ ہندوتوا ایجنڈا ءَچہ سرپدبوتگ، قائداعظم ءَ دو راجی لیکہ ءَ چہ اُلس ءَ را ہندوتواایجنڈا سرپد کنگءِ کوشست کتگ، زھگ قربان بوتگ اَنت، ماتاناں بے شرپ کنگ بوتگ، پاکستان ءَ را جوڑ بوہگ ءَچہ دارگ بوتگ۔ آئی ءَگشتگ کہ اے گپ ءِ سرءَھیال کنگی اِنت کہ بھارت مرچی کہ اے کلمہ ءِ دُژمن جوڑ بوتگ ، اے دائم ءَ ہمے وڑ بوتگ ، ہندوستان ءِ مسلمان مرچی یک توار اَنت کہ قائد اعظم ءَ راست گشتگ بوتگ۔ مودی مسلمان آں گُشیت کہ ہندو جوڑ ببے یا ہندوستان ءَ یل بہ کن اِت۔ آئی ءَگشتگ کہ پاکستان ءُ پاکستانیتءِ بُن اِشت لاالہ الااللہ انت، ہندوستان ءَ مردماں مذہب ءِ ردءَ زند گوازینگ ءِ اجازت نیست، ہندوستان ءِ بربادی ءِ ھاترءَ مودی بس اِنت۔ شہریار آفریدی ءَ گشتگ ک مرچی ففتھ جنریشن وار فیئرءِ زمانگ اِنت۔ ورنا اے گپ ءَ سرپد بہ بنت۔ آئی ءَ گشتگ کہ کشمیر یک راست اِت، ما ایشی ءَ چہ بھارت ءَ چہ پچ گراں ءُ آجوہ کناں، وہدے آرٹیکل 370 ءُ 35A ءِ ہلاس کنگ ءَ بھارت ءَ وتی پاداں وت تپر جتگ۔آئی ءَ گشتگ کہ مرچی دنیا اے گپ ءِسرءَ تپاک کنگ ءَ اِنت کہ بھارت دنیاءَ انسانیت ءِ ھاترءَ یک ھترہ اِت۔ آئی ءَ گشتگ کہ زالم ءِ حلا پ ءَ توار چست کنگ ءُ بزگ ءِ گوما ہمراہ داری کنگ مے عقیدہ اِنت۔ آئی ءَ گشتگ کہ گللت بلتستان ءَرا صوبائی درجگ اقوام متحدہ ءِ کشمیر ءِ سرءَ تپاکنامہ آنی ردءَ دیئگ بوہگ ءَ اِنت۔ آئی ءَ گشتگ کہ کشمیری مات ءَ چہ کسے جُست بہ کنت کہ آ وتی زھگ ءَ پاکستانی بیرک چیا پِر دنت، پاکستان ءِ سرءَ ایچ وڑیں من ءُ گر کنگ نہ بیت۔
