اسلام آباد۔ 03 نومبر(اے پی پی) وزیر خارجہ شاہ محمود قریشی پارینے کہ خارجہ پڑآ مون تروک چیلنج آتون مون تننگ کن ننے تینا غٹ تر توانائی تے کاریم اٹ اتوئی مریک۔ داہیت ءِ او ایتھوپیا کن پاکستان نا پندار سفیر شوذب عباس تون گپ وتران کرسا پارے ہرا سے شنبے نادے آ اوڑتون وزارت خارجہ ٹی اوڑدہی کرے۔ وزیر خارجہ بطور سفیر تقرری آ شوذب عباس ءِ مبارکبادی تس و پارے کہ اینو ننے خارجہ پڑ آ بھاز انگا چیلنج آک مون تروک ءُ ہرافتے تون مون تننگ کن ننے تینا غٹ تر توانائی تے کاریم اٹ اتوئی مریک۔ وزیر خارجہ سفیر ءِ زرگزرانی سفارت کاری تون اوار پاکستان نا خارجہ پالیسی اولیت آتا بابت خصوصی پارت کرے۔ ایتھوپیا کن پندار سفیر شوذب عباس وزیر خارجہ نا منت ورای ءِ ہرفے۔
