اسلام آباد۔ 03 نومبر (اے پی پی) وزیر خارجہ مخدوم شاہ محمود قریشی آسٹریا نا دارالحکومت ویانا ٹی مروک آ دہشت گرد جلہو نا ترندی اٹ مذمت ءِ کرینے۔ سے شنبے نادے آ تینا اسہ بیان اسے ٹی وزیر خارجہ پارے کہ آسٹریا نا شار ویاناٹی دہشت گردی و بے گناہ بندغ آتا کسفنگ نا حوال آک است ہسونی نا سوب ءُ۔ دہشت گردی نا دا واقعہ ٹی مروک آ جانی نسخان تیا ڈکھ و افسوز ءِ۔ شاہ محمود قریشی پارے کہ پاکستان ، ہروڑنا دہشت گردی نا مذمت ءِ کیک۔ وزیر خارجہ پاکستانی سرکڑدہ غاتا کنڈآن آسٹریا نا حکومت و الس تون یکجہتی نا درشانی ءِ کرے۔
