اسلام آباد۔ 03 نومبر (اے پی پی) محکمہ موسمیات نا رداٹ بروک آ بیست ءُ چار گھنٹہ ٹی ملک انا گیشتر علاقہ غاتیٹی موسم خشک وخت اس کہ قطبی علاقہ جات، کشمیر، قطبی بلوچستان و بڑزکو خیبر پختونخوا نا مشی آ علاقہ غاتیٹی سہب و شام انا وخت آ یخ مننگ نا گمان ءِ، داٹی سہب انا وخت اٹی پنجاب نا گڑاس میدانی علاقہ غاتیٹی سموگ مننگ نا گمان ءِ۔ رپورٹ نا رداٹ تدوک آ 24 گھنٹہ ٹی ملک انا گیشتر علاقہ غاتیٹی موسم خشک مسنے۔ سے شنبے نا سہب اتون ریکارڈ کروک آ کم آن کم درجہ حرارت نا رپورٹ نا رداٹ سکردو، گوپس،لیہہ ٹی درجہ حرارت منفی 3 ڈگری، قلات منفی 2 و کالام اٹی منفی اسٹ ڈگری سینٹی گریڈ ریکارڈ کننگانے۔
