اسلام آباد۔2نومبر (اے پی پی):صدر مملکت ڈاکٹر عارف علوی ءَ ادارگ آنی کار رپک ءَ را گیش ودینگ ءِ واستہ یک مھکمیں ڈیٹا بیس ءِ جوڑیشت کنگ ءِ ضلورت ءِ سر ءَ زور پر دیان ءَ گوشت کہ ای- گورننس ءَ چہ شہری ءُ کاروبار ءِ تہ َ آسراتی بیت ءُ یک شلی ءَ معیشت دیمروئی رسیت۔ آ دو شمبے ءَ ادا ای گورننس ایمرجنگ ٹیکنالوجیز ءِ جھلی کمیٹی ءِ دیوان ءِ سروکی ءَ کنگ ءَ ات۔ دیوان ءَ مزن وزیر ءِ مشیر ڈاکٹر عشت حسین، سیکرٹری انفارمیشن ٹیکنالوجی ءُ ٹیلی رسانک شعیب صدیقی، ءُ وزارت آئی ٹی ءُ ٹیلی رسانک ءِ کارندہ آں بھر زوری کت۔ ایوان ءِ صدر ءَ میڈیا ونگ ءِ رد ءَ دیوان ءَ گوشتانک دیان ءَ صدر ءِ مملکت ءَ گوشت کہ سرکاری ادارگ آنی کار رپک ءَ را گیش ودینگ ءِ واستہ یک مھکمیں ڈیٹا بیس ءِ جوڑ کنگ سک المی انت۔ آئی ءَ گوشت کہ ای گورننس پلیٹ فارم ءَ چہ سرکاری ڈل آناں گہتریں السی ازمت آنی پجاری ءِ موہ رسیت، صدر عارف علوی ءَ گوشت کہ ای- گورننس ءَ چہ شہری ءُ کاروبار ءِ تہ ءَ آسراتی رسیت ءُ یک شلیں معیشت ءَ را دیمروئی رسیت۔ ای- گورننس ءَ چہ آئی ٹی انڈسٹری ءَ را دیمروئی رسیت ءُ ساپ ءُ سلہ ، پسوئیءُ جوانیں گامگیج بوت کنت، صدر ءِ مملکت ءَ گیش گوشت کہ نوکیں آئی ٹی سلوشنز آنی کمک ءَ چہ پاکستان ءَ گورننس ءَ را دیمروئی دیگ ءِ ضلورت انت۔
