اسلام آباد۔2نومبر (اے پی پی): ملک مستر ڈاکٹر عارف علوی ءَ گوں اقوام متحدہ ءِ کے ریذیڈنٹ اینڈ ہیومینیٹرین کوآرڈینیٹر ،جولین ہارنیس ءَدو شمبے ءِ روچ ءَ گندءَ نندکتگ۔ اے موہ ءَ گپ ءُ تران کتگءُ ملک مستر ءَ گشتگ کہ جموں ءُ کشمیر ءِ بنکی جیڑہکک بازیں وہد بیت کہ اقوام متحدہ ءِ ایجنڈا ءِسرءَاِنت، اقوام متحدہ جموں ءُ کشمیر ءَگوں ہمگرنچیں سلامتی کونسل ءِ تپاک نامہ ءِ سرءَعمل درآمد کنگءِھاترءَگامگیج بہ کنت۔ملک مستر عارف علوی ءَگشتگ کہ پاکستان دائم ءَگوں بھارت ءَ درائیں جیڑہءُ جنجالانی گیشءُگیواری کنگ ءِھاترءَکوشستے کتگ۔ملک مستر ءَ اقوام متحدہ ءِچارٹر ءِ اُصول ءُ مول مراد ءِ ھاترءَ پاکستان ءِ جزم ءِدرشانی کتگ ءُ گشتگ کہ محکمیں دیمروئی ءِھاترءَ پاکستان ءَ بازیں پروگرام بندات کتگ۔ صدر عارف علویءَ جولین ہارنیسءَراکووڈ19 ءِ شنگ بوہگ ءَرا دارگ ءِھاترءَ پاکستان ءِ نیمگ ءَ چست کتگیں گامگیجءُ احساس پروگرام ءِ ہوالگ ءَ سرپد کتگ۔ آئی ءَ اقلیت آناں راجی رپک آرگ ءُ آیانی حقانی پہازگ ءِ ھاترءَ پاکستان ءِ جزم ءِدرشانی کتگ۔ اے موہ ءَ جولین ہارینسءَگشتگ کہ پاکستان پہ اقلیت آں ھاترءَ آسودگیں جاہ اِت۔ملک مستر عارف علوی ءَ مقبوضہ کشمیر ءَ بھارت ءِ نیمگ ءَ چہ انسانی حقانی ورزیاں پدر کنگ ءَ اقوام متحدہ ءِ انسانی حقانی کمشنر ءِکردءَرا ساڑاتگ۔
