اسلام آباد۔2نومبر (اے پی پی):حال ءُ اھیوال کاری ءُ شنکگاری ءِ بنجاہی وزیرک سینیٹر شبلی فراز ءَ گشتگ کہ مزن وزیر عمران خان ءِ سروکی ءَ حکومت درشانی ءِ آجوہی ءِ آئینی حق ءِ سرءَ اوست کنت،میڈیا صنعت ءِدیمروئی ءُ پراہ شاہگانی ء ِ ھاترءَ درائیں آسراتی دیئگ بنت۔ وتی کلو ہءَ بنجاہی وززیر سینیٹر شبلی فراز ءَ میاں عامر محمود ءَ را چیئرمین، سلمان اقبال ءُمیرابراہیم ءَ راوائس چیئرمین، شکیل مسعود ءَرا سیکرٹری جنرل، احمد زبیری ءَ راجوائنٹ سیکرٹری ءُ محمداطہر قاضی ءَ را فنانس سیکرٹری جوڑ بوہگ ءَمراد بات داتگ۔ آئی ءَگشتگ کہ اُمیت اِنت کہ پی بی اے ءِ نوک گچین بوتگین سروک میڈیا صنعت حاس صحافی ءُ ورکرز آنی جیڑہ ءُ جنجالانی گیش ءُ گیواری کنگ ءِ ھاترءَ کار کن اَنت۔ بنجاہی وزیر سینیٹر شبلی فراز ءَگشتگ کہ الیکٹرانک میڈیا چاگرد ءِسرءَ بازیں اثرے دیئگ ءَ اِنت۔
