اسلام آباد۔ 02 نومبر (اے پی پی) پاکستان و سعودی عرب ہڑتوم آ کنڈآتا ڈیجیٹل کمکاری ءِ مون آ دننگ نا بابت اسیجائی کوشست آتے کاریم اٹ اتنگ آ امنا کرینو۔ وزیر خارجہ مخدوم شاہ محمود قریشی دوشنبے نادے آ سعودی وزیر انفارمیشن و ٹیکنالوجی انجینئر عبداللہ السواحہ تون ٹیل فون آ رابطہ کرے۔ گپ وتران اٹی سعودی عرب و پاکستان نا نیام اٹ ہڑتوم آ کنڈآتا ڈیجیٹل کمکاری ءِ مون آ دننگ نا بابت خصوصی گپ وتران کننگا۔ ہڑتوم آ وزیر آک پاک سعودی، ہڑتوم آ کںڈآتا ڈیجیٹل کمکاری ءِ مون آ دننگ نا بابت اسیجائی کوشست آتے کاریم اٹ اتنگ آ امنا کریر۔
