امیر البحر تون ترکی نا سفیر نا اوڑدہی، بحری کمکاری تون اوار تین پہ تینی است خواہی نا باندات آ گپ وتران

اسلام آباد۔ 02 نومبر (اے پی پی) پاکستان اٹی ترکی نا سفیر احسان مصطفیٰ یرداکل نیول ہیڈ کوارٹرز اسلام آباد نا دورہ ءِ کرے، ترکی نا سفیر چیف آف دی نیول اسٹاف ایڈمرل محمد امجد خان نیازی تون اوڑدہی کرے ہراٹی بحری کمکاری تون اوار تین پہ تینی است خواہی نا باندات آ گپ وتران کننگا۔ ترجمان پاک بحریہ نا رداٹ شرفمندآ مہمان امیر البحر ءِ پاک بحریہ نا کمان ءِ سنبھالنگ آ مبارکباد پیش کرے و اوڑکن نیک است خواہی تا درشانی ءِ کرے۔ سروک پاک بحریہ ترکی ٹی ساڑی آ زمی جمب آن مروک آ جانی و مالی نسخان آ است ہسونی نا درشانی ءِ کرسا ٹھپی مروک آتا زوت دراخ جوڑی کن ہم دعا کرے۔