ہری پور۔ 02 نومبر (اے پی پی) بنجائی وزیر توانائی، پٹرولیم و قدرتی وسیلہ عمر ایوب خان سلام پور(کھدو) ٹی مسہ کروڑ دُوانزدہ لکھ روپئی نا سوئی گیس فراوانی اسکیم نا بنائی دود آن تران کرسا پارے کہ ناموس رسالت صلی اللہ علیہ و آلہ وسلم نا رکھ اکن وزیراعظم عمران خان نا کماشی ٹی یکجااُن وزیراعظم غٹ اسلامی ملک آتا سروک آتے چھٹی مون ترسا باندات نا حساسیت آن معلومدار کرینے گستاخی کرسا مسلمان تے تکلیف تروک آ بدبخت آتا برخلاف کڑد ادا کننگ اٹ پاکستان غٹ اسلامی ملک آتا کماشی ءِ کیک۔ بنجائی وزیر عمرایوب خان علاقہ نا الس ءِ پارے کہ گیس فراوانی نا اسکیم نا بناءِ کرینن ہرا 3 کروڑ 12 لکھ روپئی نا خرچ آن پورو مریک منگ و کالی تراڑ اٹی کم وولٹیج تون اوار بجلی نا ایلو ویل آتے ایسر کرینن وخت اس کہ 80 لکھ روپئی نا اسکیم تیا کاریم برجاءِ گریڈ اسٹیشن و فیڈر تا تفنگ و اپ گریڈیشن آن مچ آ ضلع ٹی بجلی نا ویل آک بروک آ کیہی دہائی کن چٹرہ بجلی نا نہاد آتیٹی کمتی کن سسٹم اٹی گچین اتنگ اُن بجلی ناکمتی ءِ پورو کننگ تون اوار اوار نہاد آک ہم کم مریرہ عمر ایوب خان مستی پارے کہ ٹی آئی پی ءِ این آر ٹی سی نا حوالہ کننگانے ہراڑے روزگار نا چندی وارخواہی ودی مریک و ضلع غان بیروزگاری ٹی کمتی بریک داوخت آ تران کرسا پارے کہ یونین کونسل سریا تون اوار مچ آ حلقہ ٹی شونداری کاریم تا جال اس تالان کرینن علاقہ ٹی نالہ غاتا جوڑ کننگ تون جنازہ گاہ تا باؤنڈری وال ہم جوڑ کین و پین جاگہ ہم ہلسا علاقہ والا تا حوالہ کینہ اوپارے کہ حطار فاروقیہ روڈ، لورہ چوک آن کوہالہ روڈ، ہری پور بائی پاس و منگ یونیورسٹی نا تفنگ تون ضلع ٹی ارب آ روپئی نا خڑچ آن برجا شونداری آک پی ٹی آئی حکومت و خان برادرز نا کارکڑد ءِہراغٹ انا مون آٹی ءِ شونداری نا دا سفر برجاسلک۔
