اسلام آباد۔ 02 نومبر (اے پی پی) محکمہ موسمیات نا رداٹ بروک آ 24 گھنٹہ ٹی ملک اناگیشتر علاقہ غاتیٹی موسم خشک وخت اس کہ قطبی علاقہ ، کشمیر، قطبی بلوچستان و بڑزکو خیبرپختونخوا نا مشی آ علاقہ غاتیٹی شام و سہب انا وخت اٹی یخ مننگ نا گمان ءِ، داٹی سہب و شام انا وخت اٹی پنجاب نا میدانی علاقہ غاتیٹی سموگ مننگ نا ہم گمان ارے۔ رپورٹ نا رداٹ تدوک آ 24 گھنٹہ ٹی ملک انا گیشتر علاقہ غاتیٹی موسم خشک ئس ولے کشمیر و ایبٹ آباد اٹی گڑاس ہند آتیا پِر مس۔ دوشنبے نادے آ ریکارڈ کروک آ کم آن کم درجہ حرارت نا رداٹ لہہ، سکردو ٹی درجہ حرارت منفی، قلات، گوپس منفی 2، کوئٹہ، کالام منفی 1 و استور اٹی صفر ڈگری سینٹی گریڈ ریکارڈ کننگانے۔
