گلگت۔1نومبر (اے پی پی): مزن وزیر پاکستان عمران خان ءِ یک شل ءَ دومی رنگ ءَ جشن آزاتی گلگت بلتستان ءِ بنجاھی مراگش ءَ بھر زوریءَ چہ گلگت بلتستان ءِ نندوکیں مردم آں گل ءُ شاتی سما کت، ایشی ءَ چہ پیسر اچبر حکومت ءَ اے رنگ ءَ گلگت بلتستان ءَ جشن آزاتی ءِ مراگش ءَ بھر زوری نہ کت۔ یک شمبے ءِ روچ ءَ گلگت بلتستان ءِ 74 ھپتاد ءُ چارمی آزاتی روچ برجم دارگ بوت ایشیءِ ٹوھیں مراگش ایف سی این اے ہیلی پیڈ گرائونڈ گلگت بلتستان ءَ برجم دارگ بوت ایشی ءِ تہ ءَ مزن وزیر پاکستان عمران خان ، گورنر گلگت راجہ جلال حسین مقپون ، نگران سر وزیر علی گلگت بلتستان میر افضل خان، بنجاھی وزیر کشمیر ءُ گلگت بلتستان علی امین گنڈا پور، مزن مزنیں سول ءُ اُردی سروک، سکول ءِ نودربر ءُ الس ءِ مزنیں کساس ءَ بھر زوری کت۔ اے موہ ءِ سر ءَ پاکستان ءِ ارد، پاک رینجرز، گلگت بلتستان سکائوٹس ، جی بی پولیس ءَ پریڈ ءَ بھر زوریکت ءُ مزن وزیر ءَ را سلامی دات۔
