اسلام آباد۔1نومبر (اے پی پی): مزن وزیر عمران خان ءَ گوشت کہ پاکستان ءِ سیت کانود ءِ سروکی ءَ را دل یکیمی جوڑ کنگ ءِ تہ ءَ انت، طاقتور ءُ ھمزور آنی واستہ یک رنگیں کانود بہ بیت، اپوزیشن ءِ سیت پاکستان ءِ سیت ءِ ھلاپ انت، عمران خان اچبر ھم اے ڈاکو آناں معاف نہ کنت، اللہ ءِ شگر انت کہ اگاں اے مردم آرمی چیف ءُ آئی ایس آئی ءِ چیف ءِ ھلاپ ءَ تران کنگ ءَ انت، گڈا ایشاناں گچین کنگ ءِ منی پیسلہ سک شر بوتگ، ڈاکو ایشانی ھلاپ ءَ تران کنگ ءَ انت گڈا ایشی ءِ مطلب ایش انت کہ آ سرجمی ءَ شریں مردم انت، آیوکییں روچاں چاراں کہ کئی پاد لرزاں ءُ کئی پیشانی ھید بیت، مئے سیکورٹی فوروسز گوستگیں 15 بیست سال آنی تہ ءَ ناشرکاری ءِ ھلاپءَ کامیاتی ءُ دلیری ءِ گوما مقابطلہ کتگ ءُ ملک ءَ را رکھینتگ، اے سبب ءَ پاکستان ءِ ھما جاور نہ بوتگ انت ھما کہ ایندگر مسلمانیں ملک آنی بوتگ انت، مئے انٹلی جنس ایجنسی آں ناشرکار آناں گر ءُ دار کتگ۔ یک شمبے ءِ روچ ءَ گلگت بلتستان ءَ گلگت بلتستان ءِ آجوئی ءِ روچ ءِ پریڈ ءَ گوں گشتانک دیان ءَ مزن وزیر عمران خان ءَ گوشت کہ مزن وزیر ءَ را آ راج گوشگ لوٹ ایت کہ یک مھکمیں اُرد ءِ پاکستان ءِ واستہ چینکیاس المی انت، لیبیا ءَ چہ بگر، صومالیہ، یمن ءُ اوگانستان ءَ تباھی انت، اے ملک آنی اندر جنگ بوتگ یا بوھگ ءَ انت، اے ملک آنی الس مشکلیں ساھت ءَ گوں دیم پہ دیم انت ءُ مشکلیں جاور آنی گوما دیم پہ دیمی کنگ ءَ انت۔ مزن وزیر ءَ گوشت کہ پاکستان رودراتکی ھمساھگیں ملک ہندوستان ءَ 73 سال ءَ چہ یک انچیں حکومت ءِ سروکی ءَ کنگ ءَ انت آ درستاں چہ گیش ناشرکار ات، ایش مسلمان ءُ پاکستان ءَ گوں کسد ءُ کینگ داریں حکومت ات، نریندر مودی ءِ حکومت مسلمان آنی ھلاپ ءَ گامگیج کنگ ءَ انت، سٹیزن شپ ءُ رجسٹریشن ءِ بھارتی کانود ھمے رچ ءِ کڈئی انت، اے کانود آنی مول ءُ مراد مسلمان آناں ھمکچیں شہری ھک گون نیست۔ مزن وزیر ءَ گلگت بلتستان ءِ آجوئیءِ روچ ءِ درگت ءَ گلگت بلتستان ءِ الس ءَ را مبارک بات دات ءُ گوشت کہ ایشانی واستہ وش ءُ شاتکامی روچ ات کہ آ دومی رند ءَ گلگت بلتستان ءِ آجوئی پریڈ ءَ بھر زوری کنگ ءَ انت، تاں وھد ءَ تاں مزن وزیر آں منی کوشست انت کہ وشی ءُ شاتکامیءِ روچ ءَ گلگت بلتستان ءِ الس ءِ گوما بہ گوازیناں۔ مزن وزیر ءَ گوشت کہ آ گلگت بلتستان سکاوٹس ءُ شہید آناں توسیپ ءُ ستا پیش کت، آئی ءَ گوشت کہ من اے روچ ءِ درگت الس آناں مبارک بات پیش کناں۔ اے دمگ آنی دیمروئی منصوبگ آنی سر ءَ تران کنان ءَ گوشت کہ استیں حکومت ءِ دیمروئی پالیشی ءِ گولائی ءَ را گریب ءُ ھمزوریں تبک ءُ بازیں سال ءَ چہ پشت کپتگیں پیسریگیں فاٹا، بلوچستان پنجاپ ءُ روبرکتی ضلع ، سندھ ءِ توکی دمگ ءُ گلگت بلتستان ءَ را دیمروئی کشک ءَ راھادگ کنگ انت، انشاء اللہ آیوکیں روچاں حکومت ءِ دیمروئی پروگرام اے دمگ آنی نیمگ ءَ جاڑی بنت۔
