اسلام آباد۔ 14 اکتوبر (اے پی پی) بنجائی وزیر سائنس و ٹیکنالوجی چوہدری فواد حسین پارینے کہ مودی نا حکومت بھارت اٹ بیرہ فاشزم و ہندوتوا نا نظریہ ءِ مون آ درینے۔ نجی ٹی وی چینل تون گپ وتران کرسا اوپارے کہ بھارت نا جنگی گنوکی نا سوب آن علاقائی امن و سوگوی ءِ بھاز خطرہ مون تروک ءِ۔ اوپارے کہ بھارت نا مکروہ دروشم دنیا نا مون آ پاش مسنے بھارت نا غیر کانودی کوزہ گیری ٹی کشمیر اٹ اقلیت آتا حق رکھ اف۔ ہنداخاطرآن دنیا بھارتی پالیسی و انسانی حق انالتاڑتا نوٹس ءِ ہلے۔ اوپارے کہ بھارت اٹ ہڑدے بیدادی نا واقعہ غاتیا جہانی برادری ہچ ءُ چکار اس کپننگ ءِ۔ اوپارے کہ پاکستان ڈیہہ ٹی امن و سوگوی خواہک و ننا امن نا کوشست آتے نزوری تکنگپ۔ اوپارے کہ پاکستان مچ آ دنیا نا چندی ملک آتا تھنک ٹینکس و پارلیمنٹ آتون اوار غٹ جہانی فورم تیا بھارت نا ظالمانہ پالیسی تے پاش کرسا کیک۔
