اوغان صوبہ ہلمند اٹی 2 فوجی ہیلی کیپٹر ڈوک لگار، 9 بندغ زوال

کابل۔ 14 اکتوبر (اے پی پی) اوغانستان نا سویلی صوبہ ہلمند اٹی 2 اوغان فوجی ہیلی کیپٹر آتا ڈوک لگنگ اٹ 9 بندغ زوال کریر۔ چینی خبررساں ادارہ نا رداٹ اوغان وزارت دفاع تینا بیان اسے ٹی شکست ءِ پک کرسا پارے کہ دا شکست تدوک آ نن صوبہ ہلمند نا دارالحکومت لشکر گڑھ نا سویل دیکی ٹی ضلع نوائے بارک زئی ٹی ہمووخت آ پیش بس ہراتم اوغان نیشنل آرمی نا ایم آئی۔ 17 ہیلی کیپٹر بال کننگ اٹی تکنیکی خرابی نا سوب شکست نا گواچی مس ہراٹی 9 بندغ زوال کریر وزارت دفاع شکست نا جاست وپاست نا بناءِ کرینے۔ یات سلے کہ داکان مست ہندی میڈیا شکست اٹ 15 بندغ نا زوال کننگ نا گڑتی ظاہر کریسس۔