اسلام آباد۔13اکتوبر (اے پی پی): بنجاھی وزیر راجی وردن ءُ وراک ءُ پٹ ءُ پولکار سیدّ فخر امام ءَ گوشت کہ مئے کشت ءُ کشاری معیشت ءِ دیمروئی جوان انت بلے اے بنیاتی رنگ ءَ پٹ ءُ پول ءُ ٹیکنالوجی ءِ ٹرانسفر ءِ وسیلگ ءَ گہتریں کار ءِ کت کناں۔ آئی ءَ اے گپ سئے شمبے ءِ روچ ءَ یورپی یونین ءِ سفیر آندرولا کمینارا ءَ گوں گند ءُ نند ءِ ساھت ءَ کت۔ بنجاھی وزیر ءَ سفیر ءَ را ملک ءِ مزنیں کشار ءُ مدگ ءِ گر ءُ دار ی آپریشن ءِ بابت ءَ سرپد کت۔ آئی ءَ گوشت کہ ایف اے او ءَ مدگ ءِ گر ءُ دار ءَ پاکستان ءِ سب باز کمک کتگ۔ آئیءَ یورپی یونین ءِ کشت ءُ کشاری پالیشی ءِ توسیپ کت ایشی ءَ چہ دھکان آناں سک باز سیت رسیت۔ آئی ءَ گیش گوشت کہ پاکستان فائٹو سینیٹری سسٹم گہتر کنگ ءِ سر ءَ دلگوش کنگ ءَ انت۔ آئی ءَ گوشت کہ پاکستان 700 ملین ڈالر ءِ فروٹ ءُ سبزی برآمد کت۔ اے موہ ءِ سر ءَ اینڈ روولا کمینارا ءَ کوچگی دیمروئی ءِ واستہ بلوچستان رورل ڈویلپمنٹ اینڈ کمیونٹی امپاورمنت (برکس) ءِ بابت ءَ بریفنگ دات۔ آئی ءَ گوشت کہ این ایف ایس آر اے پروگرام ءَ را برجا کنگ ءَ ارزشتی ایں کرد پیلو کت کنت۔ آئی ءَ گوشت کہ اے 5 سالی منصوبگ ات ایشی ءِ تہ لائیو سٹاک پیداوار ءِ تہ ءَ گہتری ھم ھوار انت۔ آئی ءَ تران کت کہ یورپی یونین ایف اے او ءَ را مالی کمی پجاری کنت۔
