اسلام آباد۔ 13 اکتوبر (اے پی پی) چیئرمین سینیٹ محمد صادق سنجرانی نیشنل ہائی وے اتھارٹی و ہائیر ایجوکیشن کمیشن نا کمامدار آتے پارت کرینے کہ بلوچستان نا علاقہ چاغی ٹی برجا مواصلات و تعلیم نا بابت شونداری ڈٹ آتے زوت پورو کننگے۔ سینیٹ سیکرٹریٹ نا رداٹ داپارت آتے او ایچ ای سی و این ایچ اے نا کمامدارآتون گپ وتران کرسا کرےہرافک سے شنبے نادے آ داڑے اوڑتون اوڑدہی کریر۔ اوڑدہی ٹی کمامدارآک چیئرمین سینیٹ ءِ چاغی ٹی برجا ڈٹ آتا بابت پیش رفت نا بارواٹ سرجمی اٹ معلومدار کرے۔ چیئرمین سینیٹ ءِ چاغی ٹی پوسکن آ سڑک آتا تفنگ و عمر خان سنجرانی منرل یونیورسٹی نوکنڈی نا جوڑ کننگ نا بابت ہم حوال تس۔ ایچ ای سی نا کمامدارآک پارینو کہ منرل یونیورسٹی نا ماڑی و ڈیزین نا بابت ٹینڈر ہندا تُو انا ایسر اسکان جاری کننگک۔ ٹینڈر نا ایوارڈ نا مسہ تُو انا تہہ ٹی ڈیزین نا پوروی ءِ پک کننگک۔ این ایچ اے نا کمامدار آک پارینو کہ نوکنڈی آن ماشکیل و دالبندین آن زیارت بلانوش نا سڑک آتا تفنگ نا ٹینڈر بروک آ ہفتہ جاری کننگک۔ ٹینڈرنگ نا عمل پورو مننگ تون ہی کاریم نا بناءِ کننگک۔ چیئرمین سینیٹ پارت کرے کہ مواصلات نا ڈٹ آتا پوروی ٹی آب ءِ پک کننگے۔
