اسلام آباد۔ 13 اکتوبر (اے پی پی) قومی احتساب بیورو نا چیئرمین جسٹس جاوید اقبال امریکہ ٹی روز ویلٹ ہوٹل ءِ 31 اکتوبر 2020ء آن بند کننگ نا نوٹس ءِ ہلسا ڈی جی نیب راولپنڈی ءِ جاست وپاست نا پرمان کرینے۔ سے شنبے نادے آ قومی احتساب بیورو نا کنڈآن جاری بیان نا رداٹ نیویارک اٹی تدوک آ سد سال آن بے کچ مرکزی ہند آ جوڑ پاکستان نا پنی …
چیئرمین نیب امریکہ ٹی روز ویلٹ ہوٹل ءِ بند کننگ نا نوٹس ہلک
گیشتریں ھال
اسلام آباد۔ 13 اکتوبر (اے پی پی) قومی احتساب بیورو نا چیئرمین جسٹس جاوید اقبال امریکہ ٹی روز ویلٹ ہوٹل ءِ 31 اکتوبر 2020ء آن بند کننگ نا نوٹس ءِ ہلسا ڈی جی نیب راولپنڈی ءِ جاست وپاست نا پرمان کرینے۔ سے شنبے نادے آ قومی احتساب بیورو نا کنڈآن جاری بیان نا رداٹ نیویارک اٹی تدوک آ سد سال آن بے کچ مرکزی ہند آ جوڑ پاکستان نا پنی آ زمانہ روز ویلٹ ہوٹل ءِ 31 اکتوبر2020ء آن بند کننگ نا بابت میڈیا رپورٹ مون آ بسوسس۔ بیان نا رداٹ چیئرمین نیب پرمان کرینے کہ جاست وپاست اٹی داہیت انا جاچ ءِ ہلنگے کہ امریکہ نا شار نیویارک اٹی مرکزی جاگہ غا واقع پاکستان نا قومی میرات روز ویلٹ ہوٹل ءِ بند کننگ نا گرج انت اکن پیش بس۔ خاص کر داہیت انا جاچ ءِ ہلنگک کہ حکومت پاکستان ءِ مبینہ وڑاٹ لکھ آ ڈالر نسخان امر مس۔ داکان بیدس ہمو زموار آتا ہم تعین ءِ کننگے ہرافک تینا قومی فرض انا بجاآوری ٹی مبینہ وڑاٹ ڈیوالائی کریر و امریکہ نا شار نیویارک اٹ مرکزی جاگہ غا واقع روز ویلٹ ہوٹل ءِ کٹیا کروک کننگ اٹ تینا کڑد ءِ ادا کتوس۔
