پاکستان نا آفت آتا خطرہ غاتے کم کننگ و جان تے بچفنگ کن آزموندہ غاتا ہڷ و تس، علم و ٹیکنالوجی نا گدریفنگ تون اوار جہانی کوشست آتے اِراہنداخہ کننگ نا خواست، ترجمان دفتر خارجہ

اسلام آباد۔ 13 اکتوبر (اے پی پی) پاکستان آفت آتا خطرہ غاتے کم کننگ و جان تے بچفنگ کن آزموندہ غاتا ہڷ و تس، علم و ٹیکنالوجی نا گدریفنگ تون اوار جہانی کوشست آتے اِراہنداخہ کننگ نا خواست کرینے۔ آفت آتا خطرہ غاتیان بچنگ نا جہانی دے انا وخت آ سے شنبے نادے آ ترجمان دفترخارجہ پارے کہ داکوشست آک اقوام متحدہ و ایلو جہانی پلیٹ فارم تا رداٹ مریر۔ ترجمان پارے کہ پاکستان قومی، صوبائی و ضلعی کہول آ تینا ادارہ غاتا ردعمل نا لائخی تے سوگو کرینے۔ ترجمان پارے کہ کوویڈ۔ 19 دین انا بناٹی نن ملکی گورننس سسٹم ءِ سوگو کرین وخت اس کہ دین انا سرسہبی اٹ مون ءِ تورین و دانا مریس مدتی راجی و زرگزرانی زہم تے کم کننگ کن کوشست آتے برجاتخان۔