اسلام آباد۔ 12 اکتوبر (اے پی پی) وزیراعظم عمران خان پارینے کہ کورونا نا دین آن پد ہم تدوک آ چار تُو آن ترسیلات زر پدریسہ 2 ارب ڈالر آن زیات مس۔ دوشنبے نادے آ تینا اسہ ٹویٹ اسے ٹی اوپارے کہ اینخو نا سال ستمبر اٹ پیشن نا ملک پاکستانی تا کنڈآن ترسیلات زر اٹ تدوک آ سال انا ہندا وخت انا مقابلہ ٹی 31 درسد ودکی مسنے وخت اس کہ دا ترسیلات زر اگست 2020ء نا مقابلہ ٹی 9 درسد زیات ءُ۔ کورونا نا دین آن پد ہم ننا زرگزران نا بابت جوان ءُ خبر ءُ۔ الحمداللہ پیشن نا ملک خواری کش پاکستانی تا کنڈآن ترسیلات زر ستمبر 2020ء ٹی 2.3 ارب ڈالر آن ودانے ہراکہ تدوک آ سال ستمبر نا مقابلہ ٹی 31 درسد زیات و اگست 2020ء نا مقابلہ ٹی 9 درسد زیات ءُ۔ اوپارے کہ تدوک آ چار تُو آن ترسیلات زر پدریسہ 2 ارب ڈالر آن زیات مس۔
