اسلام آباد۔ 12 اکتوبر (اے پی پی) نیشنل کمانڈ اینڈ آپریشن سینٹر (این سی او سی) کورونا دین انا بابت تازہ انگا حساب وکتاب ءِ جاری کرینے۔ دوشنبے نادے آ این سی او سی آن جاری کروک حساب وکتاب نا رداٹ تدوک آ 24 گھنٹہ ٹی کورونا نا 385 ناجوڑ آتا ٹیسٹ مثبت بس و 6 ناجوڑ ہسپتال آتیٹی و 4 ناجوڑ اُراتیٹی قرنطینہ ٹی دا دین آن زوال کریر۔ تدوک آ 24 گھنٹہ ٹی کوویڈ۔ 19 نا 26 ہزار 951 ٹیسٹ کننگا ہرافتیان سندھ اٹی 8 ہزار 497، پنجاب اٹی 11 ہزار 82، خیبر پختونخوا ٹی 3 ہزار 141، اسلام آباد اٹی 2 ہزار 855، بلوچستان اٹی 661، گلگت بلتستان اٹی 232، آزاد کشمیر اٹی 483 ٹیسٹ اوار ءُ۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 3 لکھ 4 ہزار 185 مسنے۔ آزاد کشمیر و بلوچستان اٹی کوویڈ۔ 19 نا اسہ ناجوڑ اس ہم داوخت آ وینٹی لیٹر آ اف وخت اس کہ مچ آ ملک اٹی کورونا کوویڈ۔ 19 کن جتا 1 ہزار 912وینٹی لیٹر آتیا کوویڈ۔ 19 نا 76 ناجوڑ ءُ۔ مچ آ ملک اٹی کوویڈ۔ 19 نا ایکٹیو کیس آتا کچ 8 ہزار 552 ءِ۔ مچ آ ملک اٹی کورونا دین آن زہمی بندغ آتا کچ 3 لکھ 19 ہزار 317 ءِ ہرافتیان آزاد کشمیر اٹی 3 ہزار 118، بلوچستان اٹی 15 ہزار 525، گلگت بلتستان اٹی 3 ہزار 937، اسلام آباد اٹی 17 ہزار 331، خیبر پختونخوا ٹی 38 ہزار 348، پنجاب اٹی 1 لکھ 764 و سندھ اٹی 1 لکھ 40 ہزار 294 ناجوڑ ءُ۔ مچ آ ملک اٹی کوویڈ۔ 19 آن زوال کروک آتا کچ 6 ہزار 580 ءِ ہرافتیان سندھ اٹی 2 ہزار 555 مرک اوار ءُ۔ سندھ اٹی تدوک آ بیست ءُ چار گھنٹہ ٹی 2 ناجوڑ ہسپتال اٹی و 4 ناجوڑ اُراتیٹی قرنطینہ ٹی دا دین انا سوب آن زوال کریر، پنجاب اٹی جم وڑاٹ 2 ہزار 258 مرک مس۔ تدوک آ بیست ءُ چار گھنٹہ ٹی صوبہ ٹی اسہ ناجوڑ اس ہسپتال اٹی دادین آن زوال کرے۔ خیبر پختونخوا ٹی جم وڑاٹ اسہ ہزار 264 مرک مس وخت اس کہ تدوک آ بیست ءُ چار گھنٹہ ٹی صوبہ ٹی اسہ ناجوڑ اس ہسپتال اٹی دا دین انا سوب آن زوال کرے، اسلام آباد اٹی کل 189 مرک رپورٹ مس وخت اس کہ تدوک آ بیست ءُ چارگھنٹہ ٹی اسہ ناجوڑ اس ہسپتال اٹ دا دین انا سوب آن زوال کرے۔ بلوچستان اٹی 146 مرک، گلگت بلتستان اٹی 90 مرک وخت اس کہ تدوک آ بیست ءُ چار گھنٹہ ٹی اسہ ناجوڑ اس ہسپتال اٹ دا دین انا سوب آن زوال کرے، آزاد کشمیر اٹ دا دین آن 78 مرک مسنے۔ داتم اسکان مچ آ ملک اٹی کوویڈ۔ 19 نا 38 لکھ 84 ہزار 796 ٹیسٹ کننگانے۔ مچ آ ملک اٹی کوویڈ۔ 19 نا درمان کن جتا 735 ہسپتال آتیٹی 804 ناجوڑ درمان مننگ ءُ۔

متعلقہ مضامینمصنف کی طرف سے مزید