اسلام آباد۔11اکتوبر (اے پی پی): بنجاھی وزیر منصوبگ بندی، دیمروئی ءُ گہتری کار اسد عمر ءَ ملک ءَ کورونا وائرس ءِ گیش بوھوکیں کجیس آنی سر ءَ دلرنجی ءُ نہ وشی ءِ درشان کنان ءَ گوشت کہ حکومت ءَ وائرس ءِ شنگ ءُ تالان ءِ گر ءُ دار ءِ واستہ سمارٹ لاک ڈائون ءِ پالیشی دوارگ جتگ۔ یک شمبے ءَ وتی یک ٹویٹے ءِ تہ ءَ آئی ءَ گوشت کہ گوستگیں شش ھپتگ آنی تہ ءَ پازیٹیو کیس آنی کساس 2 درسد بوتگ پدا ھم گوستگیں ھپتگ ءَ ایشی ءِ کساس 2 درسد ءَ چہ گیش ود اتگ اے مزنیں دلرنجیں گپ ات۔ آئی ءَ گوشت کہ ملک ءَ کورانا وائرس ءِ کیس آنی تہ ءَ کمی ءِ واستہ اسلام آباد، کراچی ءُ آزات کشمیر ءَ سمارٹ لاک ڈائون دوارگ جنگ بوتگ۔ آئی ئَ گوشتگ کہ ایشی ءَھوار انتظامیہءَ را سرجمیں ملک ءَ رکھینگی رھبند آنی پد ءُ رند کنگ ءَ پنت ءُ شون کنگ بوتگ۔ اسد عمر ءَ گوشت کہ الس ءِ کمک ءَ چہ کورونا وائرس ءِشنگ ءُ تالانی ءَ را گر ءُ دار کنگ بیت کنت۔
