اسلام آباد۔11اکتوبر (اے پی پی): مزن وزیر عمران خان ءَ موٹروے ریسٹ ایریا آنی سر ءَ سامان آنی گران بھائی ءِ پد ءَ شہری آنی کتگیں شکاست ءِ سر ءَ نوٹس زتگ، گران بھائی ءِ ھوالگ ءَ نہ وشی ءِ درشان کتگ مزن وزیر ءَ گوشت کہ ناجائز یں سیت چست کنوک آنی ھلاپ ءَ ترندیں کاروائی کنگ بیت۔ شمبے ءِ روچ ءَ مزن وزیر ڈیلیوری یونٹ ءِ نیمگ ءَ جاڑی بوتگیں بیان ءِ رد ءَ مزن وزیر عمران خان ءَ سٹیزن پورٹل ءِ سر ءَ شہری آناں موٹروے ریسٹ ایریا آنی سر ءَ گیش نپ گرگ ءِ ھوالگ ءَ شکاست آنی سر ءَ نوٹس زرتگ۔ مزن وزیر ڈیلیوری یونٹ ءَ وزارت رسانک، این ایچ ءُ آئی جی موٹروے ءَ را مسل جاڑی کتگ۔ مسل ءِ تہ ءَ گوشگ بوتگ کہ موٹروے ریسٹ ایریاز آنی سر ءَ گران بھائےی ءِ مانیٹرنگ ءِ ھوالگ ءَ ھاسیں ٹیمب گیچین کنگ بہ بیت، ٹیمب موٹروے ریسٹ ایریا ءَ شپ ءُ روچ بہ چکراں ءُ چاپہ بجن آں۔ ٹیمب ضلورت ءِ رد ءَ ضلعی انتظامیہ ءَ چہ کجام ھم وھد ءَ کمک زرت کناں۔ موٹروے ریسٹ ایریاز آنی سر ءَ گیش نیاد ءَ سامان آنی بھا کنوک آنی ھلاپ ءَ ترندیں ایکش زورگ بیت، موٹروے ریسٹ ایریاز آنی سر ءَ مسافر ءُ سیل ءُ سوادی مردم آنی سرپدی ءِ واستہ بینرز جنگ بہ بیت۔ سیٹیزن پورٹل ءِ سر ءَ شکاست آنی ءُ سرپدی ءِ ھوالگ ءَ ریست ایریا آنی سر ءَ گامگیج کنگ بہ بیت۔ مزن وزیر کارگس ءَ سیادی داروکیں کارندہ آناں 21 روچ ءِ اندر ءَ بنداتی رپوٹ جم کنگ ءِ پنت ءُ شون ھم کتگ۔ گامگیج ءِ سرجمی ءَ چہ پیسر ءُ پد ءِ رپوٹ ھم مزن وزیر ءَ را پیش کنگ بیت۔
