لاہور ۔11اکتوبر (اے پی پی):گور نر پنجاب چوہدری محمدسرور ءَ گوشت کہ بھارت پاکستان ءِ تہ ءَ نہ وشیں جاور لوٹ ایت، افواج پاکستان ءُ حکومت ءَ ھوار توامیں ادارگ ملک دژمن آنی ھلاپ ءَ یک مشت انت، امریکی ھالتاک فارن پالیشی ءَ ھم بھارت ءِ ناشرکاری ءِ ھال ءُ اھوال آناں سہرا کتگ۔ پاکستان ءَ جنگ ءُ چوپ ءِ دمینگ ءِ بھارتی جزم ءَ را ڈگار ءَ جنگ ءِ واستہ توامیں نیک راھی تبک ءِ مردم آناں دیم ءَ جنزگی انت ءُ وتی کرد پیلو کنگی انت۔ آ یک شمبے ءِ روچ ءَ رائے ونڈ روڈ ءِ سر ءَ نامداریں بزنس مین سعد اشرف ءُ درمان اشرف ءِ شوروم ءِ تر ءُ تاب ءَ چہ پد میڈیا ءَ گوں تران کنان ءَ کت۔ آئی ءَ گوشت کہ الحمداللہ مزن وزیر عمران خان ءِ سروکی ءَ حکومت ءَ پاکستان ءَ ڈکالی ءَ چہ بچارینتگ ءُ ملک مرچی دیمروئی کشک ءَ رھادگ انت، ھمے سبب ءَ مرچی ڈن ملکی سرمایہ کار آںی تہ ءَگیشی ءِ گوما پاکستان ءَ ھم بزنس کمیونٹی ءِ حکومت ءِ سر ءَ سرجمی دل یکیمی گیش ودگ ءَ انت، انڈسٹری ءَ ھوار توامیں سیکٹر آنی تہ ءَ کورونا ءَ چہ پد ترندی ءِ گوما معاشی چست ءُ ایر بندات بوتگ انت ءُ ملک ءَ روزگار ءِ نوکیں موہ ھم رسگ ءَ انت۔
