پاکستان ءِ مقبوضہ کشمیر ءَ یک شلئی ءَ ریاستی ناشرکاری، بے کسوریں کشمیری آناں دروگیں پولیس مقابلہ ءَ جنگ ءُ کشگ، آوار جنگ ءُ سرچ آپریشن ءَ را گوں ترندی ءَ ایراد گراں

اسلام آباد۔11اکتوبر (اے پی پی): پاکستان ءَ بھارتی گیر کانودی مقبوضہ کشمیر ءَ یک شلئی ءَ ریاستی ناشرکاری ، بے کسوری کمشیری آناں دروگیں پولیس مقابلہ ءَ جنگ ءُ کشگ، آوار جنگ ءُ سرچ آپریشن ءَ را گوں ترندی ءَ ایراد گراں۔ ترجمان درئی کارانی کارگس ءِ نیمگ ءَ یک شمبے ءِ روچ ءَ جاڑی بوتگیں بیان ءِ تہ ءَ گوشگ بوت کہ گوستگیں یک سالے ءِ ساھت ءَ بھارتی زوراکیں اُرد مقبوضۃ جموں کشمیر ءِ کلگام ءُ پلوامہ ءِضلع ءَ چار ءَ چہ گیش ورنا آناں شہید کنگ بوعتگ وھدیکہ گیر کانودی ءُ گیر انسانی فوجی چپ ءُ چاگرد ءُ کریک ڈائون ءِ ساھت ءَ یک 14 سالی ورناءِ ھم شہید کنگ بوتگ۔ ترجمان ءَ گوشت کہ بھارت اے گپ ءَ بہ زانت کہ بھارتی زوراکیں ارد کشمیری الس آناں لگت مال کنت، کشگ، آوار جنگ، ءُ کشمیری سروک ءُ ورنا آنی ھلاپ ءَ پیلٹ گنز ءِ کارمردی، گس آنی پروشگ، ءُ لگت مال کنگ ءَ ناکام بوتگ ءُ آیوکیں وھد ءَ ھم آ کامیات نہ بنت۔ ترجمان ءَ میاں اوستمانی برات آنی سر ءَ زور پر دات کہ آ یونائیٹڈ نیشن ءِ سلامتی کونسل ءِ منوگری ءُ کشمیری الس آنی واھگ آنی رد ءَ جموں کشمیر ءِ ایمنی ءَ گوں گیواری ءِ واستہ کرد پیلو بکن انت تانکہ پڑ ءَ مھکمیں ایمنی ءُ برجائی بہ بیت۔