کامیات ورنا یوتھ انٹرپرینیورشپ سکیم ءِ ورنا آناں آسانی ءَ گوں وام ءِ پجاری ءِ ھوالگ ءَ سرجمیں ملک ءِ بینک آں صدر ءُ سروک آنی مزن وزیر عمران خان ءَ گوں گند ءُ نند

اسلام آباد۔10اکتوبر (اے پی پی): مزن وزیر عمران خان ءَ گوں کامیات ورنا یوتھ انٹرپرینیورشپ سکیم ءِ چیر دستی ءَ ورنا آناں آسانی ءَ گوں وام ءِ پجاری ءِ ھوالگ ءَ سرجمیں ملک ءَ چہ بینک آنی صدر ءُ سروک آں گوں گند ءُ نند کتگ۔ گند ءُ نند ءَ مشیر ھزانگ ڈاکٹر عبدالحفیظ شیخ، مشیر تجارت عبدالرزاق دائود، مشیر گہتری کار ڈاکٹر عشرت حسین، ھاسیں کمکار برائے ورنا آنی جیڈھ ءُ کار محمد عثمان ڈار ءُ گورنر سٹیٹ بینک اے ساھت ءَ ساڑی ات۔ مزن وزیر میڈیا کارگس ءِ نیمگ ءَ شمبے ءِ روچ ءَ جاڑی بوتگیں پریس ریلیز ءِ رد ءَ ھاسیں کمکار برائے ورنا آنی کار ءِ نیمگ ءَ کامیات ورنا یوتھ انٹرپرینیورشپ سکیم ءِ چیر دستی ءَ ورنا آناں آسانی ءَ گوں وام ءِ پجاری ءِ ھوالگ ءَ دیوان ءَ را گوشگ بوت کہ حکومت ءَ ورنا آناں کاروبار ءِ تہ ءَ گہتریں موہ ءِ پجاری کنگ ءِ واستہ سئے سال آنی واستہ سد ارب کلدار گیشینتگ ۔ اے ھوالگ ءَ انوگ ءَ تاں چار لکھ ھپتاد ھزار دزبندی رستگ ایشانی وھد ءُ موہ ءِ سر ءَ پٹ ءُ پول کنگ ءَ چہ پد وام ءِ پجاری ءِ رچ جاڑٰ انت۔ دیوان ءَ را گوشگ بوت کہ اے پروگرام ءِ شری ایش انت کہ اے سکیم ءِ چیر دستی ءَ وانندگیں ورنا یک شلی ءَ بینک آنی تہءَ دزبندی دیگ ءَ انت ءُ میرٹ ءِ پد ءَ ساپ ءُ سلئی ءَ گوں وتی کاروبار ءِ واستہ وام ءِ پجاری کنگ بوھگ ءَ انت۔ دیوان ءَ را گوشگ بوت کہ سرجمیں ملک 21 بنک اے سکیم ءَ چہ گیشاں چہ گیش بھر زوری کنگ ءَ انت ءُ بنک آنی نیمگ ءَ اے سال 15 ارب کلدار وام ءِ کمک ءَ پجاری کنگ ءِ دل یکیمی کنگ بوتگ۔ کامیات ورنا یوتھ انٹرپرینیورشپ سکیم ءِ سر ءَ دیمروئی کار آنی رپوٹ مزن وزیر ءَ را یک شلی ءَ پیش کنگ بیت۔