ڈپریشن ءِ مقابلی کنوکیں مردم وتی سسا ءَ چہ گیش دلیر، گیش مھکم ءُ گیش سمارٹ انت، ڈاکٹر عارف علوی

اسلام آباد۔10اکتوبر (اے پی پی): صدرمملکت ڈاکٹرعارف علوی ءَ ڈپریشن ءُ ایشی ءَ گوں بندوکیں (ٹیبوز) آنی سرجمیں ھلاسی ءِ واستہ جہد ءُ کوشست کنگ ءِ سر ءَ زور پر دات۔ شمبے ءِ روچ ءَ دماگی جان سلامتی ءِ میاں اوستمانی روچ ءِ درگت ءَ چاگردی یکوئی ءِ تنج ءِ سر ءَ جاڑی کتگیں کلوہ ءِ تہ ءَ صدر ءِ مملکت ءَ ڈپریشن ءِ مقابلہ کنوکیں مردم آںی دلبڈی کنان ءَ گوشت کہ اے نادراھی ءِ مقابلہ کنوکیں مردم وتی سسا ءَ چہ گیش دلیر ، مھکم ءُ گیش بلدکار انت۔ صدر ءِ مملکت ءَ اے وڑیں مردم آناں دلگوش کنان ءَ گوشت کہ ھرچی ضلوری انت بکن ات، ھرچی بوت کنت بہ کن ات ءُ پدا نہ بوتگیں کار ءَ را بوتگیں کار بکن ات چیا کہ مرچی یک جوانیں باندات ءِ بندات بوھگ ءَ انت۔ بیا ات ڈپریشن ءِ مقابلہ ءَ بکن ات، ایشرا چیر دیگ ءُ ایشی ءَ چہ ترسگ ءِ اچ ضلورت نہ انت۔