نواز شریف ءُ آصف زرداری دوئین آنی نادراھی ءِ سبب یکین انت، راج ءَ گوں اے دھوکہ نوں نہ چل ایت، بنجاھی وزیر اھوالکاری ءُ شنگ کاری سینیٹر شبلی فراز ءِ ٹویٹ

اسلام آباد۔10اکتوبر (اے پی پی): بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ نواز شریف ءُ آصف زرداری دوئیں نادراھی ءِ سبب ءَ ھمگونگ انت، راج ءَ گوں اے دھوکہ نوں نہ چل ایت، راج ءِ مال نوں واپس کنگی انت، کرپشن ءَ چہ ملک ءِ بنیات آناں چُنڈوک ءُ ھلاس کنوک آناں پسو دیگی انت۔ عمران خان ملکی دولت ءِ لُٹوک آنی دماگ ءَ سوار انت، شمبے ءِ روچ ءَ چاگردی تنج ٹویٹر ءِ سر ءَ وتی ٹویٹ ءَ بنجاھی وزیر اھوالکاری ءُ شنگ کاری ءَ گوشت کہ عمران خان ملکی دولت پُلوک آنی دماگ ءَ سوار انت، کانود ءِ سروکی واھُند بلاول صاحب وتی انکل نواز شریف ءَ را بگش ایت کہ آ آمید گس ءَ پیش بہ بیت کانود ءِ سروکی ءَ سہرا بکنت۔ آئی ءَ گوشت کہ بلاول ھما کرپٹ میراس ءِ نماھندگ انت کہ آواں سرجمیں ملک ءِ بنیات آناں چنڈیتگ ءُ ھلاس کتگ۔ آئی ءَ گوشت کہ نواز شریف ءُ آصف زرداری دوئین آنی نادراھی ءِ سبب یکین انت، راج ءَ گوں اے دھوکہ نوں نہ چل ایت۔