پاکستان جمہوری ملک ات اپوزیشن کانود ءِ لکیر ءِ تہ ءَ بوھان ءَ ھرچی کنت بہ کنت، اسد عمر

لاہور ۔10اکتوبر (اے پی پی): بنجاھی وزیر منصوبگ بندی ءُ دیمروئی کار اسد عمر ءَ گوشت کہ پاکستان جمہوری ملک ات ھمے ھاترا اپوزیشن کانود ءِ لیکر ءِ تہ ءَ توری ھرچی کنت بہ کنت، بلے جمہوریت ءِ نام ءَ اچ کس ءَ را کانود ءِ پروشگ ءِ موہ دیگ نہ بیت، مئے ھمبراھی ءَ توامیں سیاسی گل آناں لوٹ ایت کہ مچی کنگ مہ بیت، ٹوھیں مچی ءِ ھوالگ ءَ ایس او پیز منوگر بہ بنت، راجی رابطہ کمیٹیءَ ٹوھیں مچی آنی جیڈھ چار ءُ بچار کنگ بنت۔ ادا میڈیا ءَ تران کنان ءَ بنجاھی وزیر اسد عمر ءَ گوشت کہ حکومت الس ءِ زندمان ءَ را گہتر جوڑ کنگ ءِ واستہ کار کنگ ءَ انت بلے اپوزیشن ءَ اے گپ ھزم نہ بوھگ ءَ انت۔ آئی ءَ گوشت کہ جمہوری ملک ات اپوزیشن کانودی ءِ لیکر ءِ تہ ءَ ھرچی کنگ لوٹ ایت بہ کنت بلے اے وڑ بوت نہ کنگ کہ جمہوری ءِ نام ءَ کانود ءَ بہ پروشاں لگت مال بکن آں۔ آئی ءَ گوشت کہ کورونا ءِ جیڈھ ءِ سر ءَ صوبگ آنی کمک ءَ گوں کار کنگ ءَ آں، این سی او سی ءَ کورونا وائرس ءِ جیڈھ ءِ سر ءَ این سی سی ءِ میٹنگ گوانک جنان ءَ رھبند ٹھینگ ءِ پیسلہ بوتگ، کورونا ءَ ھمک چیز ءِ واستہ کار رھبند پیسر ءَ چہ ٹھینگ بوتگ۔ مئے گوما توامیں سیاسی گل آناں لوٹ ایت کہ مچی کنگ مہ بیت، ٹوھیں مچی ءِ ھوالگ ءَ ایس او پیز منوگر کنگ لوٹ ایت، راجی رابطہ کمیٹی ءَ ٹوھیں گل آنی جیڈھ باست ءُ واست کنگ بنت۔ اسد عمر ءَ گوشت کہ عمران خان ءَ ھمینچو مردم یکجا کتگ کہ پاکستان ءِ راجدپتر ءَ اچ کس ءَ نہ کتگ ، انچوکیں ٹوھیں مچی کس ءَ نہ دیستگ ءُ آواناں آ وھدے سروک آں ھم داشت نہ کتگ بوتگ، بلے مئے پالیشی کانود ءِ پد ءُ رندی بوتگ ءُ انوگ ھم است انت۔