اسلام آباد۔ 09 اکتوبر (اے پی پی) صدر مملکت ڈاکٹر عارف علوی پاکستان و نائیجیریا نا نیام اٹ واپار، زرگزران و دفاع نا بشخ آتیٹی کمکاری ءِ ودفنگ نا گرج آ زور شاغسا پارینے کہ پاکستان نائیجریا تون تعلقداری تے بھاز اہمیت ایتک ، پاکستان ہڑتوم آ ملک آتا تین پہ تینی فائدہ کن ہڑتوم آ کنڈآتا تعلقداری تے پین سوگو کننگ نا است خواہ ءِ، داخیال آتا درشانی ءِ …
پاکستان نائیجیریا تون تعلقداری تے بھاز اہمیت ایتک، صدر مملکت ڈاکٹر عارف علوی تون نائیجیریا نا ہائی کمشنر نا سپاروکی اوڑدہی
گیشتریں ھال
اسلام آباد۔ 09 اکتوبر (اے پی پی) صدر مملکت ڈاکٹر عارف علوی پاکستان و نائیجیریا نا نیام اٹ واپار، زرگزران و دفاع نا بشخ آتیٹی کمکاری ءِ ودفنگ نا گرج آ زور شاغسا پارینے کہ پاکستان نائیجریا تون تعلقداری تے بھاز اہمیت ایتک ، پاکستان ہڑتوم آ ملک آتا تین پہ تینی فائدہ کن ہڑتوم آ کنڈآتا تعلقداری تے پین سوگو کننگ نا است خواہ ءِ، داخیال آتا درشانی ءِ او نائیجریا نا دزکش مروک آ ہائی کمشنر میجر جنرل (ر) اشیمیو الونیعی تون سپاروکی اوڑدہی ٹی گپ وتران کرسا کرے۔ اوپارے کہ پاکستان و نائیجیریا نا نیام اٹ ہڑتوم آ کنڈآتا تعلقداری ٹی گچینی کن بڑزکو کہولی رابطہ غاتے مون آ دننگ نا گرج ءِ۔ صدر عارف علوی نائجیریا نا سفیر ءِ بھارت نا غیر کانودی کوزہ گری ٹی جموں و کشمیر اٹ بھارتی سیکورٹی فورس آتا کنڈآن مروک آ بیدادی نا بارواٹ معلومدار کرے۔ اوپارے کہ جہانی برادری جموں و کشمیر تنازعہ نا پرامن ایسری و ہندوستان اٹ مسلم اقلیت نا رکھ اکن تینا کڑد ءِ ادا کے، صدر مملکت پاکستان و نائیجیریا نا نیام اٹ ہڑتوم آ کنڈآتا تعلقداری ءِ مون آ دننگ کن دزکش مروک آ ہائی کمشنر نا کوشست آتا ستاءِ کرے۔
