پاکستان کسٹمز پریونٹیوکراچی نا خڑک صنعتی علاقہ ٹی گودام آن 30 ہزار کلو گرام اسمگل مروک چھالیہ دوئی کرے، ترجمان ایف بی آر

اسلام آباد۔ 09 اکتوبر (اے پی پی) فیڈرل بورڈ آف ریونیو(ایف بی آر) اسمگلنگ نا برخلاف گام گیج آتے ترند کرینے۔ ایف بی آر نا ترجمان جمعہ نادے آ پارے کہ فیڈرل بورڈ آف ریونیو و ذیلی ادارہ غاک وزیراعظم عمران خان نا گڑا و منشیات آتا اسمگلنگ نا برخلاف وژن آ عمل کرسا اسمگلنگ نا بیخ ءِ کشنگ کن کوشست آتیٹی ترندی اتنگانے۔ اوپارے کہ داکوشست آتا رداٹ پاکستان کسٹمز پریونٹیو کراچی نا خڑک صنعتی علاقہ ٹی اسہ گودام اسے آ چھاپہ خلک و ہموکان 30 ہزار کلو گرام اسمگل مروک چھالیہ دوئی کرے ہرافتا مالیت مسہ کروڑ روپئی ءِ۔ اوپارے کہ پاکستان کسٹمز کوئٹہ نوشکی نا خڑک اسمگلنگ نا اسہ کوشست اسے بے سہب کرسا 8.8 کلوگرام آئی سی ای کرسٹل میت و 5.040 کلوگرام براون شوگر(لوکوالٹی ہیرون) دوئی کرے ہرافتا مالیت 5 کروڑ روپئی ءِ۔