اسلام آباد۔ 09 اکتوبر(اے پی پی) خصوصی کمکار ڈاکٹر ثانیہ نشتر این ٹی سی نا دورہ ءِ کرے۔ دورہ نا مسخت احساس ڈیٹا ءِ رکھ کننگ نا بست و بند آتا جاچ ءِ ہلنگ ئس۔ این ٹی سی نا منیجنگ ڈائریکٹر بریگیڈیئر وقار راشید ڈاکٹر ثانیہ ءِ این ٹی سی نا کارکڑد و سرسہبی تا بابت معلومدار کرے۔ ڈاکٹر ثانیہ نیشنل ڈیٹا سینٹر ءِ وزٹ کرے و کارکڑد انا ستاءِ کرے۔ ڈاکٹر ثانیہ پارے کہ احساس پروگرام نیزگار بندغ آتیکن پاکستان نا غٹ آن بھلا پروگرام ءِ۔ احساس ڈیجیٹل سوشل ایکو سسٹم نا کنڈآ ترندی اٹ ہِننگ ءِ تانکہ حقدار مخلوق نا کمک ءِ کننگ مرے۔ ٹیکنالوجی نیزگاری نا چٹفنگ نا عمل نا شفافیت و فائدہ غاتے گچین کرینے۔ ڈاکٹر ثانیہ احساس منسٹری کن این ٹی سی نا سپورٹ نا ستاءِ کرے۔

متعلقہ مضامینمصنف کی طرف سے مزید