اسلام آباد۔ 09 اکتوبر (اے پی پی) بنجائی وزیر توانائی عمرایوب خان پارینے کہ امریکہ پاکستان نا اہم کاروباری شریدار ءِ، پاکستان اٹ توانائی نا بشخ اٹ امریکی کمپنیک پبی سرگرم ءُ و امریکی کمپنیک توانائی نا مارکیٹ آن جوانی اٹ بلد ءُ۔ او داخیال آتا درشانی ءِ یو ایس پاکستان بزنس کونسل نا رداٹ ایکسپلور پاکستان نا سرحال آن ورچوئل دود اٹی کرے۔ عمرایوب خان و وزیراعظم نا خصوصی کمکار پٹرولیم ندیم بابر ءِ یو ایس پی بی سی نا کنڈآن امریکی کاروباری برادری ءِ اُرائی صارف و صنعت آتا ودوک آ توانائی نا خواست ءِ کم کننگ نا چرجوئی ٹی حکومت پاکستان نا کوشست آتا بارواٹ حوال کن بٹنگا۔ توانائی نا بشخ اٹ ساڑی آ پالیسی پیشرفت، تیل و گیس انا بشخ اٹی حکومت نا اصلاحات و توانائی نا بشخ اٹ زرکاری کن آسراتی تا بارواٹی معلومدار کننگا۔ دا دود انا کماشی ءِ اسٹیون کوبوس، چیئرمین یو ایس پاکستان بزنس کونسل، صدر و منیجنگ ڈائریکٹر، ایکسلٹریٹ انرجی ئسک کریر و شرفمندار آتے بخیرکریر۔ اوداہیت آ زور شاغا کہ یو ایس پی بی سی نا کمک اٹ توانائی نا بشخ اٹی، ورچوئل سریز نا بناءِ خاص وڑاٹ امریکی کاروباری پورٹ فولیو نا بحالی کن کننگانے۔ عمر ایوب خان یو ایس پی بی سی نا ورچوئل سیریز نا گام گیج آتا ستاءِ کرسا پارے کہ امریکہ پاکستان نا اسہ اہم ءُ کاروباری شریدار اسے۔ اوداہیت انا ستاءِ کرے کہ پاکستان اٹ توانائی نا بشخ اٹی امریکی کمپنیک اسہ سوگو ءُ نقش قدم اسے نا وڑاٹ ساڑی ءُ و داکہ امریکی کمپنیک توانائی نا مارکیٹ آن جوانی اٹ بلد ءُ۔ یو ایس پی بی سی نا باسک آتا بجلی نا بشخ اٹی زرکاری نا بابت عمر ایوب خان توانائی ٹی قابل تجدید ذرائع نا ودکی نا حکومتی پالیسی گام گیج آتیا زور شاغا و دا بشخ اٹی امریکی زرکاری کن سلہ خلک۔ اوپارے کہ حکومت بجلی نا بشخنگ کن مسابقتی منڈی ٹی ہِننگ ءِ و دا ملک انا خواست و رسینگ نا پیرامیٹرز و دادے زرکاری نا فیصلہ غاتا رداٹ کننگ کن اسہ انٹیگریٹڈ جنریشن کیپیسٹی ودکی ڈٹ اس تیار کرینے۔ اوپارے کہ چنکا پن بجلی کن اسہ خاص ءُ پالیسی اس تیار کننگانے تانکہ داہیت ءِ پک کننگ مرے کہ صارف آتے قابل تجدید و اڑزآن بجلی نا فائدہ غاک ملر۔ بجلی نا پائیدار فراوانی ءِ پک کننگ نا گنجائش اٹ ودکی کرسا ساف ستھرا ایندھن نا کاریم اٹ اتنگ نا کنڈآہِننگ نا کوشست کننگ انگ ءِ و امریکی کمپنی تے داعلاقہ غاتیٹی زرکاری نا سلہ خلکونے۔
