اپوزیشن توری ھرچی جاک ءُ کوکار بہ کنت کانود ءَ را پروشگ ءِ سبب ءَ جیل ءَ روان دیگ بنت، مزن وزیر عمران خان ءِ انصاف لائرز فورم ءِ چیر دستی ءَ سیمینار ءَ گوں گشتانک

اسلام آباد۔9اکتوبر (اے پی پی): مزن وزیر عمران خان ءَ گوشت کہ اپوزیشن ھرچی بکنت جاک ءُ کوکار کانود پروشوک سیادھا جیل ءَ رونت، دگ آنی سر ءَ آیگ ءُ عمران خان ءَ را بلیک میل کنگ ءِ واب ناکام بنت، اپوزیشن ءِ جیڈھ جمہوریت ناں کرپشن ءِ بچارینگ انت، ملک دیمروئی ءِ کشک ءَ رھادگ انت ھمے ھاترا اپوزیشن ءَ را حکومت ءِ پروشگ ءِ جلدی انت۔ لستیں کس ھمے پھم انت کہ آ ھرچی بکن انت آواں چہ اچ جست گرگ نہ بیت، بلیک میل کنگ ءِ واستہ فیٹف ءِ ھوالگ ءَ کانود جوڑیشت ءَ پینگ مان کنگ بوتگ، نواز شریف ءَ ڈن ملک ءَ روگ ءَ منت سماجت ءِ کشک در جتگ، اے مردم بھارت ءِ ایجنڈا ءَ را زوران ءَ ملک ءَ سیاست کنگ ءَ انت، نوازشریف پاک اُرد ءَ را پنجاپ پولیس جوڑ کنگ لوٹ ایت، اُرد ءِ سر ءَ لنکُک چست کنوک آں چہ جست گراں کہ منا چیا فوج ءَ گوں اچ جیڈھ نیست، ناشرکاری ءِ ھلاپ ءَ بے کساس قربانی دیوکیں پاکستان ءِ اُرد ءِ سر ءَ پھر کنگ لوٹ ایت۔ اچ ملک کانود ءِ سروکی ءَ ابید دیمروئی کت نہ کنت، وکیل قائداعظم ءِ نکش ءِکدم ءِ سر ءَ روگ لوٹ ایت۔ اے ھیالانی درشانی آئی ءَ آدینگ ءِ روچ ءَ انصاف لارز فورم ءِ چیر دستی ءَ سیمینار ءَ گوں گشتانک دیان ءَ کت۔ مزن وزیر عمران خان ءَ گوشت کہ حضرت علی ؓ ءِ درئیں دانک کفر ءِ نظام چلئت کنت بلے ناانصافی ءُ ظلم ءِ نظام چلئت نہ کنت۔ آئی ءَ گوشت کہ اگاں کسے اے بہ پھم ایت من مدینہ ءِ ریاست ءِ نام ءَ ووٹ گرگ ءِ واستہ کارمرد کنگ ءَ آں گڈا اے گپ راست نہ انت، قائداعظم ءَ چہ ھم پاکستان ءِ کانود ءِ بابت ءَ جست گرگ بوت گڈا آئی ءَ گوشت کہ 1400 سال پیسر جوڑ بوتگ، علامہ اقبال ءَ ھم گوشت کہ مسلمان چاگرد ءَ ھمک وھد دیمروئی کتگ گڈا مدینہ ءِ ریاست ءِ رھبند آنی بنیات ءَ کتگ ات آھوادا اچ کس کانود ءَچ ہ مستر نہ بیت۔ مزن وزیر ءَ گوشت کہ کانود ءِ سروکی نیک راھی چاگرد ءِ بنیات ءَ بیت۔ مسلمان چاگرد ریاست ءِ مدینہ ءِ رھبند آنی رد ءَ یک بے دروریں ات۔ آئی ءَ گوشت کہ ہائر ایجوکیشن کمیشن ءَ گوشت کہ آ سلیبس ءِ تہ ءَ بہ گوش ایت کہ آ چے سبب بوتگ کہ آئی ءِ سبب ءَ آ وتی دور ءِ سپر پاور مسلمان گوما جنگ ءَ شکست ءِ آماچ بوتگ انت ءُ مسلمان دنگیا ءِ بے مٹیں راجے جوڑ بوتگ۔ مزن وزیر ءَ گوشت کہ نبی کریم ﷺ ءَ مستریں واجہ اے دگنیا ءَ نہ اتکگ، مارا وتی ورنا آناں اسلام آنی شرپ ءُ ازت ءِ رھبند آنی بابت ءَ سرپد کنگ لوٹ ایت، اے پاکستان ءَ یک ٹوھیں پیسلہ ءِ وھد ات ، اے وھد ءَ سرجمیں بے روزگاریں سیاستدان یک جاھ بوتگ انت چیا کہ آ کانود ءِ سروکی ءَ نہ من انت ءُ اے پھم انت کہ ما کانود ءَ چہ برزتر آں ءُ کس ءَ را جوابدہ نہ آں۔ مارا کس دست مجن اگاں کسے دست جنت گڈا کسے دست جنت گڈا ما بیر گرگ ءِ نام ءَ دیاں۔ مزن وزیر ءَ گوشت کہ شریف ھاندان آمید گس ءِ پیسلہ آناں ھم نہ من ایت، یک فیکٹری ءَ چہ آوانی باز فیکٹری جوڑ بوتگ انت، ڈن ملک ءَ جائیداد ھم جوڑ کتگ بلے آ پم انت کہ مارا چہ کس اے بابت ءَ جست مہ گپت۔ آئی ءَ گوشت کہ سڑک آنی سر ءَ در کپگ ءَ چہ عمران خان ءَ را بلیک میل کنگ ءِ واب گندوک ناکام بنت۔ مارا چہ اچ کس مستریں جلسہ کت نہ کنت، دز آنی گوما اچ کس ڈن ءَ در مہ کپ ایت۔ اے پیسہ ھم ھرچ کناں ءُ نان ھم واریناں، مسلم لیگ (ن) ءِ یک سروک ءِ گوشیت کہ نواز شریف ءِ ڈن ملک ءَ روکیں امام خمینی ءِ جلاوطنی ءَ گوں ھمگونگ لیکگ ءَ انت ۔ بلے امام خمینی ءِ زھگ آنی ڈن ملک ءَ اربانی کلدر ءِ جائیداد نیست انت، ایران ءِ مردم آئی ءَ گوں محبت کناں ءُ آوانی ایران ءَ کسانیں گسے است ات، ایشانی وڑ ءَ محل نہ بوتگ ءُ لاہور ءَ چہ ہیلی کاپٹر نہاری ءِ ناروشت ءِ گرگ ءَ نہ شتگ۔ آئی ءَ گوشت کہ کجا امام خمینی ءُ کجا نہاری ناروشت وروکیں اے مردم کجا بروبر بوت کن انت۔ آئی ئَ گوشت کہ تومیں اپوزیشن یکجا بہ بیت اچ کت نہ کنت، آئی ءَ گوشت کہ آئی ءِ مول ءُ مراد جمہوری ناں وتی کرپشن ءِ رکھینگ انت، اے مردم آمید گس آنی پیسلہ آناں ھم نہ من انت۔ اے درستگیں بگھوڑا گرگ ءُ پاٹک ءَ کنگ باں۔ آئی ءَ گوشت کہ قائداعظم ءِ لیکہ ءِ سر ءَ روان ءَ ملک دیم ءَ جزِت کنت، وکیل آنی آئی ءِ وڑ ءَ وتی زندمان ءَ بہ گوازیناں۔ مزن وزیر ءَ گوشت کہ وکیل آناں جان سلامتی کارڈز دیگ بیت ءُ نوکیں پاکستان ہائوسنگ سکیم ءَ چہ ایندگر شہری آنی وڑ ءَ وکیل ھم سیت چست کناں۔