پاکستان ملائشیا ءَ گوں جتا جتائیں شوبگ آنی تہ ءَ سٹرٹیجک شریکداری ءِ دیمروئی ءِ واستہ جزمیگ انت، وزیر ءِ درئی کار

اسلام آباد۔9اکتوبر (اے پی پی): وزیر ءِ درئی کار شاہ محمود قریشی ءَ گوشت کہ پاکستان ، ملائشیا ءِ گوما معیشت ، تجارت، وانگ ءُ زانگ، سائنس ءُ ٹیکنالوجی ءَ ھوار وت مہ وتی جتا جتائیں شوبگ آنی تہ ءَ اسٹریٹیجک شریکداری ءِ دیمروئی ءِ واستہ جزمیگ انت۔ ترجمان درئی کارانی کارگس ءِ رد ءَ وزیر ءِ درئی کار ءَ آدینگ ءِ روچ ءَ ملائشیا ءِ وتی ھمکار داتوسری حسام الدیم حسین ءِ گوما ٹیلی فون ءِ سر ءَ نزیکی کت۔ دوئیں وزیر ءِ درئی کار آں دو نیمگی یکوئی ءُ جتا جتائیں شوبگ آنی تہ ءَ دو نیمگی یکوئی آنی دیمروئی ءِ ھوالگ ءَ سرجمیں ھیال ریچی کت۔ شاہ محمود قریشی ءَ گوشت کہ پاکستان ءُ ملائیشیا ءِ نیام ءَ جھلانکیں براتی ءُ یکوئی است۔ پاکستان ، لائیشیا ءِ گوما معیشت، تجارت ، وانگ ءُ زانگ ، سائنس ءُ ٹیکنالوجی ءَ ھوار وت مہ وتی واھگی کار آنی جتا جتائیں شوبگ آنی تہ ءَ اسٹریٹیجک شریکداری ءِ دیمروئی ءِ واستہ جزمیگ انت۔ دوئیں وزیر ءِ درئی کار ءَ پاکستان ءُ ملائیشیا ءِ نیام ءَ استیں دو نیمگی یکوئی آنی سر ءَ دل یکیمی ءِ درشان کنان ءَ کورونا ھوپ ءِ ساھت ءَ دوئیں نیمگی بے دروریں کمک آناں ساڑات۔ دوئیں وزیر درئی کار آں دو نیمگی یکوئی ءُ رابطہ آنی دیمروئی ءِ واستہ وت مہ وتی شو ر ءُ مشور آناں جاڑی دارگ ءِ سر ءَ تپاک کت۔